Новости за 03.09.2021

Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 25486-ҩык рҟынӡа инаӡахьеит, ргәы бзиахеит 21480-ҩык, рыԥсҭазаара иалҵит 385-ҩык.

Нанҳәа 6 рзы Аԥсныҟа иааргеит 5 000 доза алаҵа "Спутник Лайт", уи алаҵара иалагеит амза 10 инаркны. Ари апартиа ааихәеит, аагарагьы ахә ахишәааит Москватәи аԥсуа диаспора ахада Беслан Агрба.

Аҟәатәи амедицинатә коллеџь ааӡаратә ҟәша аиҳабы Светалана Ломиаԥҳа арадио Sputnik аефир аҿы еиҭалҳәеит аҵараиурҭахь шаҟаҩы рыдыркылаз, насгьы избан факультетқәа рахь арзаҳал зынӡагьы изаларымҵаз.

Ԥхынгәы 12 раахыс Аԥсны акультура аусҳәарҭақәа русура аанкылоуп Акультура аминистр Гудиса Агрба идҵала.

Аҟәатәи ақалақьтә ӡбарҭаҿ Аԥсны Иреиҳаӡоу аӡбарҭа Аппарат анапхгаҩы Џьамал Гогьиа Аԥсны Иреиҳаӡоу аӡбарҭа ахантәаҩы Манана Делԥҳа лганахьала ишшыԥхьыӡ иахәаԥшит 2021 шықәса ԥхынгәымза алагамҭазы.

Аԥснытәи аҳәынҭкарратә университет аҿы аҵарашықәс ҿыц ианалаго атәы, насгьы сынтәатәи адкыларатә комиссиа имҩаԥнагаз аусура алҵшәақәа ртәы арадио Sputnik аефир аҿы дазааҭгылеит ААУ апресс-маҵзура анапхгаҩы Џьамбул Инџьгьиа.

Цәыббра 2 рзы ареспублика араионқәа рҿы аԥшацәгьеи ақәаршҩи рыҟазаара иахҟьаны аҩнқәа рхыбқәа ахнахит, аҵлақәа каҳаит.

Арҭ амшқәа рзы Урыстәыла архангельсктәи аобласт аҟынтәи аделегациа усутә визитла Аԥсны иаҭааны иҟоуп.

Ԥхынгәымза алагамҭеи анҵәамҭеи рзы Аԥсны ақәаршҩи аԥшатлакәи ҵысит, уи иахҟьаны аӡхыҵрақәа ҟалеит.

Аԥсны зҽаԥсазтәыз ажурналист, ателехәаԥшра арежиссиор, ААУ ажурналистика акафедра аиҳабы, афилософиатә ҭҵаарадыррақәа рдоктор, Ахьӡ-аԥша аорден III аҩаӡара занашьоу, Гәырам Амқәаб ииубилеи ыҟоуп.

Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 25417-ҩык рҟынӡа инаӡахьеит, ргәы бзиахеит 21399-ҩык, рыԥсҭазаара иалҵит 384-ҩык.

Хабарда иӡыз атурист иԥсыбаҩ аԥшаара иаҿуп, аԥшаарақәа аруадаҩуеит амшцәгьа иахҟьаз амшынеисра.

Аԥсны Аҳәынҭқарра Ахада Аслан Бжьаниа Аԥсныҟа усуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, Аенергетика аминистр ихаҭыԥуаҩ Евгени Грабчаки дырԥылеит.

Аҧсныҟа аусура аҵыхәала иааны иҟоуп Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.

"Аиҟәгара-аҟазара" онлаин-цәыргақәҵа аатит иацы. Уи акуратор Ельвира Арсалиаԥҳа арадио Sputnik аефир аҿы еиҭалҳәеит, еиднакылозеи ари ацәыргақәҵа, зусумҭақәа цәыргахода, иарбан платформоу иахьрыдгалахо ахәаԥшцәа.

Сынтәа Аԥснытәи Аҳәынҭқарратә университет аҭаларазы рышәҟәқәа аларҵеит 689-ҩык абитуриентцәа, урҭ рахьтә ирыдыркылеит 588-ҩык.

Аԥсны ажурналистцәа Реидгылеи Жәларбжьаратәи амедиаклуб "Формат-А3" реицыпроектқәа рымҩаԥгара иалагоит сынтәа, цәыббрамзазы.

Урыстәылатәи аҳәаанырцә паспорт аҿҳәара иахыԥазар, аҩныҵҟатә паспорт умамзар, Урыстәыла атәылауаҩра аршаҳаҭразы зыхә шәатәу агәаҭара уахысроуп.