Новости за 18.06.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16198-ҩык ыҟоуп, ргәы бзиахеит 15190-ҩык, рыԥсҭазаара иалҵит 241-ы.

Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.

Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.

Аушьҭырҭатә ҭыԥ "Адлер" даанкылан иԥаршеиу ашәҟәқәа рыла аҳәынҭқарратә ҳәаа ахысра згәы иҭаз азинеилагаҩ.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16107-ҩык ыҟоуп.

Кәтол ақыҭа Ҭоумышь аҳаблаҟны ачаитә плантациақәа реиқәырхара знапы алаку Лаша Блабба арадио Sputnik аефир аҟны еиҭеиҳәеит ҳтәылаҟны уамак азҿлымҳара змам акультура аиҭарҿиара игәазырԥхаз.

MMA ақәԥаҩ Кораи Џьенгиз (Ацыгәба) - – еилаԥсоу ақәԥаратә ҟазараз аспортсмен, аҳәаанырцәтәи аԥсуа диаспора дахаҭарнакуп.

Аԥсны ААР аусзуҩцәа есыҽны имҩаԥыргоит закәаншьаҭада акриптовалиута аиуразы аусурақәа рыҭҵаара. Иара убасгьы дара хылаԥшра рырҭоит иаҿыху амаининг фермақәа.

Хәажәкырамзазы "Амра-банк" аофисцҵа арҳәра иалахәуп ҳәа агәызҩарала иаанкылан Алхас Кәыҵниеи Асҭамур Быҭәбеи.

Аԥсуа сахьаҭыхыҩ Аԥшьа Ҳагԥҳа 82 графикатә усумҭа ацәыргақәҵахь иналгеит. Ацәыргақәҵа аус ауеит рашәара 21 - 30 асааҭ 10:00 - 19:00 рзы, ԥсшьарамшыда.

Владимир Путин иусдҵа инақәыршәаны апандемиа аамҭаз рашәара 15 инаркны цәыббра 30 рҟынӡа Урыстәыла аҵакыраҿы аҳәаанырцәуаа рыҟазаара аҭагылазаашьа ԥсаххоит. Аԥсахрақәа ирыҵаркуеит Урыстәыла атәылауаҩра змам Аԥсны атәылауаагьы.

Аҟәатәи ақалақьтә ӡбарҭа ахара ихаранаҵеит Аԥсны атәылауаҩ Едгар Абыхәба Урыстәыла атәылауаҩԥҳәыс лцәаԥҽреи лырҳәреи рзы, иагьиқәнаҵеит жә-шықәса ҭакрала ихигарц.