Тульская вобласць РФ ўводзіць лічбавыя пропускі для руху па рэгіёне
Тульская вобласць уваходзіць у лік першых дзесяці рэгіёнаў РФ, дзе адзначаецца больш за ўсё выпадкаў заражэння каронавірусам.
Тульская вобласць, якая атрымала ў красавіку магчымасць пратэставаць платформу выдачы лічбавых пропускаў у ліку першых сямі рэгіёнаў Цэнтральнай федэральнай акругі, уводзіць пропускі для руху па рэгіёне з 30 красавіка, паведамілі ў аўторак журналістам у прэс-службе ўрада рэгіёну. Раней аналагічныя пропускі ў акрузе зарабілі ў Маскве і Падмаскоўі.
Тульская вобласць уваходзіць у лік першых дзесяці рэгіёнаў РФ, дзе адзначаецца больш за ўсё выпадкаў заражэння каронавірусам. У рэгіёне выявілі 783 выпадкі заражэння, пяць пацыентаў з пацверджаным каронавірусам памерлі.
„З 30 красавіка ў Тульскай вобласці пачнуць дзейнічаць лічбавыя пропускі. Грамадзяне змогуць уехаць у рэгіён і выехаць за яго межы выключна пры наяўнасці лічбавых пропускаў у выпадку, калі яны едуць на працу ў арганізацыю, дзейнасць якой не прыпыненая ў адпаведнасці федэральным і рэгіянальным заканадаўствам, па асабістым і сямейных справах, а таксама, калі ім неабходна дапамога лекара ў медустанове”, – сказалі ў прэс-службе.
Адпаведныя змяненні ва ўказ унёс губернатар рэгіёну Аляксей Дзюмін. Лічбавыя пропуску ў рэгіёне пачнуць дзейнічаць з 9:00 мск 30 красавіка. Пропуск спатрэбіцца ўсім, хто заязджае ў Тульскую вобласць або выязджае за яе межы на грамадскім, чыгуначным транспарце, а таксама на легкавых і грузавых аўтамабілях.