Փարաջանովի տուն-թանգարանի մոտ «Opel»-ը դուրս է եկել երթևեկելի հատվածից և հետևի անիվներով հայտնվել ձորի բերանին
Դեկտեմբերի 16-ին, ժամը 17.34-ին ՀՀ արտակարգ իրավիճակների նախարարություն ահազանգ է ստացվել, որ Երևանի Փարաջանովի տուն-թանգարանի մոտակայքում «Opel» մակնիշի ավտոմեքենան դուրս է եկել ճանապարհի երթևեկելի հատվածից և հետևի անիվներով հայտնվել ձորի բերանին. անհրաժեշտ է փրկարարների օգնությունը:
Ինչպես հայտնում են ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:
Փրկարարները «Opel» մակնիշի 34 ND 692 պետհամարանիշով ավտոմեքենան (վարորդ՝ 1954 թ. ծնված Ա. Գ.) դուրս են բերել ճանապարհի երթևեկելի հատված: