Բարսելոնայի դարպասապահը բաց կթողնի 2 շաբաթ
Կատալոնական «Բարսելոնայի» դարպասապահ Յասպեր Սիլեսենը վնասվածքի պատճառով չի կարող օգնել թիմին առաջիկա խաղերում,- տեղեկացնում է ակումբի պաշտոնական կայքը:
Ըստ աղբյուրի՝ դարպասապահը բաց կթողնի շուրջ 2 շաբաթ: «Բարսելոնան» իր հաջորդ հանդիպումը կանցկացնի գալիք տարվա հունվարի 5-ին, իսկ մրցակիցը Իսպանիայի Գավաթի 1/8 եզրափակչի շրջանակում կլինի Բիլբաոյի «Աթլետիկը»:
Հիշեցնենք, որ Սիլեսենը «կապտանռնագույնների» ճամբար է տեղափոխվել 2016 թվականի օգոստոսին: «Բարսելոնայի» կազմում վերջինս մասնակցել է 4 հանդիպման: