7 հմտություն, որ հարկավոր է սովորեցնել երեխային, որպեսզի նա հաջողակ մեծանա
Յուրաքանչյուր ծնող ցանկանում է, որ իր երեխան հաջողակ ու երջանիկ մեծանա, այդ պատճառով մայրիկներն ու հայրիկները չեն խնայում ուժերը, ժամանակն ու միջոցները երեխաների կրթության համար: Բայց միշտ չէ, որ լավ կրթությունը հաջողության գրավականն է:
AdMe.ru-ն պարզել է, որ կան նաև այլ, ոչ պակաս կարևոր գիտելիքներ ու հմտություններ, որոնք կօգնեն երեխային հաղթահարել բոլոր դժվարությունները բարձունքի հասնելու ճանապարհին:
Սեփական կարծիքը պաշտպանելու կարողություն
Սա ժամանակակից աշխարհի ամենակարևոր հմտություններից մեկն է, որին պետք է վարժեցնել երեխային ամենավաղ հասակից, քանի որ դուք միշտ չէ որ նրա կողքին կլինեք, որպեսզի օգնության հասնեք: Դրա համար կարևոր է ցույց տալ, որ երեխայի կարծիքը կարևոր է ընտանիքի ներսում: Փոքրիկը պետք է հասկանա, որ դուք նրան լսում և հասկանում եք:
Կենտրոնացվածություն
Երեխաները նախընտրում են կենտրոնանալ այն բանի վրա, ինչը նրանց հետաքրքիր է տվյալ պահին: Այդ պատճառով փորձեք նրանց հետ պարապմունքները ոչ միայն օգտակար, այլև հետաքրքիր դարձնել:
Ինքնուրույնություն
Որքան արագ փոքրիկը սովորի որոշակի գործողություններ ինքնուրույն անել, այնքան ավելի ինքնավստահ իրեն կզգա ապագայում և նրան հեշտ կլինի գլուխ հանել դպրոցական և այլ պարտականություններից, որոնք մեծանալու հետ ավելանալու են:
Թիմում աշխատելու ունակություն
Վաղ հասակից փոքրիկին պետք է բացատրել, որ հասարակությունում կան որոշակի կանոններ, որոնց հետևելով կարելի է լավ հարաբերություններ ստեղծել շրջապատի մարդկանց հետ: Նման կանոններից մեկը համագործակցությունն ու թիմում աշխատելու կարողությունն է:
Օտար լեզուների տիրապետում
Ամենաքիչը երկու օտար լեզուների տիրապետելը ձեր երեխային ոչ միայն աշխատանքային առավելություն կտա ապագայում, այլև հնարավորություն կընձեռնի ընդլայնել մշակութային հորիզոնը:
Ինքնակազմակերպում
Այս հմտության շնորհիվ երեխային հեշտ կլինի հասնել նպատակին, ինչն անպայման օգտակար կլինի նրան մեծերի աշխարհում: Ինքնակազմակերպման հիմանական տարբերակը օրվա ռեժիմն է, որը պետք է կազմել երեխայի հետ համատեղ՝ աստիտանաբար նվազեցնելով ձեր մասնակցությունը պլանավորման հարցում:
Հանգիստ վերաբերմունք անհաջողություններին
Այն, թե ինչպես է երեխան վերաբերում իր անհաջողություններին և հաղթանակներին՝ ձևավորում է նրա ինքնագնահատականը և վերաբերմունքը ուրիշ մարդկանց նկատմամբ: