Новости за 24.05.2020

ՀՀ փոխվարչապետ, պարետ Տիգրան Ավինյանի որոշմամբ՝ մինչեւ հունիսի 3-ը ժամը 23։59-ը սահմանափակումներ են կիրառվելու Գեղարքունիքի մարզի Սեւան hամայնքում։ 

ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական գործի նախաքննության ընթացքում պարզվել է, որ Քաջարանի բնակիչներ Գ․ Մ․-ի և նրա ընկերոջ՝ Կ․ Թ․-ի միջև տեղի ունեցած վեճի հանգամանքների պարզաբանման համար Քաջարան համայնքի ղեկավարի կանչով, 2020թ. ապրիլի 26-ին՝ ժամը 20:00-ի սահմաններում, Քաջարանի Լեռնագործների փողոցում գտնվող, վերջինիս պատկանող բենզալցակայանի հետնամասում գտնվող չգործող նախկին ռեստորանի շինությունում հավաքվել են համայնքի ղեկավարը և շուրջ 20 հոգի, որտեղ տեղի է ունեցել ծեծկռտուք։

2020թ.

Նոր տեսակի կորոնավիրուսով վարակվածների թիվն աշխարհում մեկ օրում ավելացել է ավելի քան 101 000-ով՝ գերազանցելով 5.2 մլն-ը: Մինչդեռ մահվան ելքով դեպքերն ավելացել են ավելի քան 4200-ով՝ գերազանցելով 337 000-ը:

Իսպանիայում «Քովիդ-19» կորոնավիրուսի հետևանքով մահացածների թիվը մեկ օրում ավելացել է 70-ով:

ԱԺ «ԲՀԿ» խմբակցության պատգամավոր Արման Աբովյանը ֆեյսբուքյան գրառմամբ անդրադարձել է Կապանում տեղի ունեցած բողոքի ցույցին:

Անհայտ անձինք կրակ են բացել Մոսկվայի Կաշիրսկի խճուղու վրա գտնվող բնակելի համալիրի տարածքում: Այս մասին հայտնում է Lenta.ru-ն՝ հղում անելով իրավապահ մարմինների աղբյուրին:

Իտալիայում «Քովիդ-19»-ի համաճարակի բռնկման պահից ի վեր կորոնավիրուսով վարակվել է 229 858 մարդ, որոնցից 140 479-ն ապաքինվել են: Այս մասին հաղորդում է Gazeta.ru-ն՝ հղում անելով Իտալիայի Քաղաքացիական պաշտպանության գործակալությանը:

Վրաստանում սահմանված արտակարգ դրության ընթացքում խախտումների համար գրված տուգանքների գումարը գերազանցել է 22.5 մլն լարին (մոտ 7.1 մլն դոլար): Ինչպես փոխանցում է Новости-Грузия-ն, Վրաստանի ՆԳՆ բաց վիճակագրության տվյալները ներկայացրել է Детектор растрат ոչ կառավարական կազմակերպությունը:

Այսօր երկրաշարժ է գրանցվել վրաց-ռուսական սահմանի մոտակայքում: Երկրաշարժի հզորությունը կազմել է 3.9 մագնիտուդ:

Մարդու իրավունքների պաշտպանի գրասենյակը հայտարարություն է տարածել՝ կապված այսօր Կապան քաղաքում ընթացած բողոքի ակցիայի հետ:

Վերջին երկու տարիների ընթացքում ՀՀ իշխանությունները դրսևորում են քաղաքական բացառիկ էքսցենտրիզմ. տարերայնություն, քաոսայնություն, անկանխատեսելիություն, ռեակցիոնիզմ, հուզականություն և հոգեկան անհավասարակշռություն։ Այս մասին ֆեյսբուքյան իր էջում գրել է «Մեկ Հայաստան» կուսակցության համահիմնադիր Արթուր Ղազինյանը:

Մարտի սկզբից ի վեր առաջին անգամ Հռոմի Ֆրանցիսկոս պապն ավանդական կիրակնօրյա պատարագից հետո մի քանի վայրկյանով երևացել է Վատիկանի Առաքելական պալատի պատուհանից՝ ողջունելու և օրհնելու հավատացյալներին, որոնք հավաքվել էին Սուրբ Պետրոսի հրապարակում:

ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում անդրադարձել է Կապան ոստիկանական ուժեր տանելու մասին տեղեկություններին, որտեղ այժմ խաղաղ բողոքի ակցիա է անցկացվում:

Ինչպե՞ս է հնարավոր տեսնել կոնկրետ փաստացի ապացույցներ, որ ոստիկանությունում մարդիկ են խոշտանգվում, ու որպես արձագանք՝ զորք ուղարկել դրա դեմ բողոքողներին «ողջունելու» համար։ Այս մասին ֆեյսբուքյան իր էջում գրել է «Իրավական ուղի» հասարակական կազմակերպության համահիմնադիր Ռուբեն Մելիքյանը՝ անդրադառնալով Կապան ոստիկանական զորքեր ուղարկելու վերաբերյալ տեղեկությանը:

Այսօր՝ մայիսի 24-ին, ավտովթար է տեղի ունեցել Շիրակի մարզում:

Ինչպես հայտնում է Shamshyan.com-ը՝  ժամը 19:20-ի սահմաններում, Գյումրի քաղաքի Տերյան փողոցի 120 հասցեի դիմաց բախվել են Գյումրիի բնակիչներ, 36-ամյա Հրանտ Թ.-ի վարած Opel մակնիշի 36 QN 599 համարանիշի և 22-ամյա Արման Հ.-ի վարած Mercedes մակնիշի 36 OX 214 համարանիշի ավտոմեքենաները:

Վթարի հետևանքով Mercedes-ի ուղևոր, Գյումրիի բնակիչ, 26-ամյա Կարուշ Թ.-ն մարմնական վնասվածքներով տեղափոխվել է Գյումրում բժշկական կենտրոն:

Փաստի... Читать дальше...

Սա ի՞նչ նոր ձև է, կոմունիստների թվի ԱԱԾ-ն է: Սա ինչ ձև է թող ավելացնեն ոստիկանության աշխատողներին, ամեն խաչմերուկում ոստիկան կանգնի ու պարզ անեն ամեն ինչ: Այս մասին Tert.am-ի հետ զրույցում նշում էին վարորդները, որոնք բողքում էին Ոստիկանության ծածուկ ծառայության համակարգից:  

ԱԺ «ԲՀԿ» խմբակցության պատգամավոր Նաիրա Զոհրաբյանն, ֆեյսբուքյան իր էջում անդրադառնալով Կապանում ընթացող բողոքի ակցիային, հայտնել է, որ չի հիշում օր, երբ բռնության, ատելության ու թշամանքի կոչեր, «սամասուդների ու վենդետաների թեժ լայֆեր, դեպքի վայրից օնլայն մարդաբոյեր չլինեն»:

Կորոնավիրուսով վարակված անձանց բուժման նպատակով առկա ռեանիմացիոն մահճակալներից այս պահին զբաղված է 154-ը, այս մասին ֆեյսբուքյան իր էջում տեղեկացնում է Առողջապահության նախարարության մամուլի խոսնակ Ալինա Նիկողոսյանը:

«Կորոնավիրուսային հիվանդության բուժման համար ծավալված 186 ռեանիմացիոն մահճակալից այս պահին զբաղված է 154-ը, ազատ է ընդամենը 32-ը: Ունենք 230 ծանր և 52 ծայրահեղ ծանր պացիենտ»,- գրել է նա:

Հիշեցնենք, որ Հայաստանում մայիսի 24-ի դրությամբ հաստատվել է կորոնավիրուսով վարակման 359 նոր դեպք... Читать дальше...

Շվեդիայում կիրակի առաջին անգամ գործարկվել է 5G բջջային կապի նոր սերնդի կոմերցիոն ցանցը: Ինչպես փոխանցում է ТАСС գործակալությունը, այն գործարկել է Tele2  հեռուստահաղորդակցական ընկերությունը:

Կորոնավիրուսով պայմանավորված՝ աշխարհում տեղի են ունենում արմատական փոփոխություններ՝ կարող են փոխվել մեր պատկերացրած սոցիալականացման ձևերը, աշխատանքային մոդելը, առևտրաշրջանառության եղանակները, մի խոսքով, ամեն ինչ: Այս մասին ֆեյսբուքյան իր էջում գրել է COVID-19 Հայաստան. փաստահավաք խմբի անդամ Անի Հովհաննիսյանը:

Փաշինյանը կեռասի ծառից իջավ և անմիջապես սեփական օրաթերթի կայքում ակնարկներ հրապարակեց: Այդ ակնարկներում Փաշինյան Նիկոլը չխնայելով սեփական ոչ առողջ երևեկայությունը հրապարակել է բազմաթիվ անհեթեթություններ: Այս մասին ֆեյսբուքյան իր էջում գրում է իրավապաշտպան, «Հայրենիք» զարգացման հիմնադրամի գրասենյակի ղեկավար Արսեն Բաբայանը

Չինաստանը պատասխանել է ԱՄՆ-ի ներկայացրած հայցերին՝ կապված կորոնավիրուսի տարածման հետ: Корреспондент-ի փոխանցմամբ՝ Չինաստանի դիրքորոշումը մամլո ասուլիսում հայտնել է երկրի ԱԳ նախարար Վան Ին:

Սյունիքի մարզի Կապան քաղաքում բողոքի ակցիան շարունակվում է։ Դեպի Սյունիք տանող ճանապարհին Tert.am-ի թղթակիցը ֆիքսել է,որ Ոստիկանության զորքերը տեղաշարժվում են Կապան։

Նշենք,որ բողոքի ակցիայի առիթ է դարձել այն,որ Սյունիքի չորս քաղաքացի բերման է ենթարկվել Կապանի բաժին,այնուհետև նրանք հայտնել են, որ Ոստիկանությունում բռնության են ենթարկվել։ Կապանում քաղաքացիները շարունակում են փողոցում պահանջել ազատ արձակել քրեական գործի շրջանակներում ձերբակալվածներին։

Վարչապետ Նիկոլ Փաշինյանը, անդրադառնալով Կապանում տեղի ունեցող իրադարձություններին, ֆեյսբուքյան իր էջում գրել է, որ կրիմինալի ու կոռուպցիայի հետ կոմպրոմիս չի լինելու։

«Կրիմինալի ու կոռուպցիայի հետ կոմպրոմիս չի լինելու։ Լինելու է չոր, օրինական ու ըստ անհրաժեշտության նաեւ կոշտ հակազդեցություն։

Սա եկեք արձանագրենք»,- գրել է նա։

Հիշեցնենք, որ Կապանի իրավիճակը լարվել է այն բանից հետո, երբ Ոստիկանություն են բերման ենթարկվել մի քանի քաղաքացի, որոնց հարազատներն ու աջակիցները հավաքվել... Читать дальше...

Հասարակական գործիչ Նարեկ Մալյանը ֆեյսբուքյան իր էջում հայտնում է, որ ոստիկանության զորքեր են շարժվել դեպի Կապան: