Тверь өлкәсендә шәхси самолет һәлакәткә юлыккан, пассажирлар исемлегендә Пригожин да бар
Тверь өлкәсендә Мәскәү-Петербург рейсы белән очкан Embraer Legacy шәхси самолеты һәлакәткә юлыккан. Борттагы ун кешенең барысы да һәлак булган. Бу хакта Россия Гадәттән тыш хәлләр министрлыгына сылтама белән РИА Новости яза.
«Россия Гадәттән тыш хәлләр министрлыгында хәбәр итүләренчә, Тверь өлкәсендә, Куженкино торак пункты янында Мәскәү – Санкт-Петербург рейсын башкарган Embraer Legacy шәхси самолеты һәлакәткә юлыга. Бортта ун кеше була, шуларның өчесе — экипаж әгъзасы. Беренчел мәгълүматларга караганда, борттагыларның барысы да һәлак булган», — диелә хәбәрдә.
Россия Гадәттән тыш хәлләр министрлыгы эзләү эшләре алып бара.
Росавиация һава транспорты федераль агентлыгы хәбәр итүенчә, бүген кич Тверь өлкәсендә килеп чыккан Embraer очкычы һәлакәтен тикшерү башланган.
Пассажирлар исемлегенә караганда, алар арасында Евгений Пригожинның исем-фамилиясе дә бар.