Ульяновск өлкәсенең «Урама» татар фольклор ансамбле әгъзалары иҗади эзләнүләр белән йөри
22 июльдә Ульяновск өлкәсендәге Инза районы Дракино авылына Ульяновск шәһәреннән Алсу Әлмәтова җитәкчелегендә «Урама» татар фольклор ансамбле әгъзалары иҗади эзләнүләр белән килгән. Бу хакта «Өмет» газетасының телеграм-каналы хәбәр итә.
Әби-бабайлардан калган татар халык җырларын, бәетләрне, табышмакларны Фатиха апа Берхеева саклап калган. Фатиха апа һәм Сафия апа шул җырларны җырлап күрсәткән.
Фото: © «Өмет» газетасының телеграм-каналы
«Ачык йөзле, дәртле күңелле Фатиха апага, Сафия апага һәм Халил абыйга кунакчыллык күрсәтүләре өчен рәхмәтебезне белдерәсе килә», – ди җирле «Ак калфак» оешмасы рәисе Илүсә Коломак.