Россия Диния нәзарәте рәисе урынбасары Рәфик Фәттәхетдинов дәүләт бүләгенә лаек булды
Россия мөселманнары Диния нәзарәте рәисе урынбасары Рәфик Фәттахетдиновка Россия Федерациясе Хөкүмәтенең Мактау грамотасы бирелде. Указны Россия Премьер-министры Михаил Мишустин имзалаган, дип хәбәр итә Россия Мөфтиләр шурасы.
Әлеге бүләк Рәфик Фәттахетдиновка Идел буе Болгарында Ислам дине кабул итүнең 1100 еллыгына багышланган чараларны әзерләүгә һәм үткәрүгә керткән өлеше өчен бирелгән.
Рәфик Фәттахетдиновка мактау грамотасын 9 июльдә Түбән Новгород өлкәсе губернаторы Глеб Никитин тапшырган.
Мактау грамотасын Түбән Новгородта Беренче Идел буе Сабан туен уздырганда тапшырдылар. Диния нәзарәте рәисе урынбасары һөнәри эшчәнлегендә ирешкән зур казанышлары, Түбән Новгород өлкәсе үсешенә керткән өлеше өчен һәм Идел буе Сабан туе уздыру хөрмәтеннән бүләкләнгән.
Идел буе Болгар халыкларының рәсми рәвештә Ислам динен кабул итүнең 1100 еллыгын бәйрәм итү кысаларында Рәфик Фәттахетдинов гамәлдә булган һәм мәчетләрне реконструкцияләүне, яңа мәчетләр, мөселман үзәкләре һәм административ биналар төзүне, шул исәптән Түбән Новгородта Ярминкә мәчетен кире торгызу эшләре белән кураторлык итә.