Камчаткада җир тетрәү булган
Шимбә кичендә Петропавловск-Камчаткадан илле чакрым ераклыкта 4,8 магнитудалы җир тетрәүне теркәгәннәр. Бу хакта РИА Новости Россия Фәннәр академиясенең Камчатка филиалына сылтама белән хәбәр итә.
«Петропавловск-Камчаткадан ераклык 55 километр тәшкил итә. Җир тетрәү ноктасының тирәнлеге 88,5 километр. 4,8 магнитуда», диелгән хезмәтнеңТелеграм-каналдагы хәбәрендә.
Җир тирбәлеше Тын океан акваториясендә төбәк башкаласыннан көньяк-көнчыгышка таба җирле вакыт буенча 23.35 сәгатьтә (Мәскәү вакыты белән 14.35 сәгатьтә) булган.
Геофизик хезмәт хәбәренә шәрехләрдә Камчаткада яшәүчеләр «Петропавловск-Камчатскийның кайбер районнарында тирбәнешләр сизелә», дип язалар.