Марат Хөснуллин: 2030 елга шәһәр мохитенең сыйфатын 1,5 тапкыр яхшыртырга кирәк
Россия вице-премьеры Марат Хөснуллин шәһәр мохите сыйфаты индексы хисабына аңлатма бирде. Аны узган ел нәтиҗәләре буенча Россия Төзелеш министрлыгы әзерләгән. Казан миллионлы шәһәрләр рейтингында өченче урынны алды. Планнарда – 2030 елга кадәр шәһәр мохитенең сыйфатын шактый арттыру, өстәвенә, зур һәм кечкенә шәһәрләрдә дә, дип белдерде Хөснуллин.
«Мин үз чыгышымда шәһәрләребезнең һәм торак пунктларыбызның төзегрәк булуы никадәр мөһим икәнен әйткән иде. Бу – системалы эш, безнең илкүләм проект – 2030 елга барлык шәһәрләребезнең һәм кече торак пунктларыбызның шәһәр мохите сыйфатын 1,5 тапкырга арттыру. Бу максатта без дә актив эшлибез һәм шөгыльләнәбез», – диде ул телеграм каналында атналык эш нәтиҗәләре турындагы видеоотчетта.
Исегезгә төшерәбез, зур шәһәрләр арасында Мәскәү һәм Санкт-Петербург Казаннан алда. Төзелеш министрлыгы да аерым төбәкләр буенча хисаплар чыгарды, һәм Татарстанның барлык шәһәрләре арасында Казан беренче урында түгел - аны Әлмәт (1 урын) һәм Алабуга (2 урын) узып китте.
Илкүләм проектлар Татарстанда 2019 елдан Президент Владимир Путин йөкләмәсе белән гамәлгә ашырыла.