Япониядә җир тетрәү булган
Япониянең төньягында Хоккайдо утравы ярыннан ерак түгел 6,1 магнитудалы җир тетрәү булган. Цунами куркынычы юк. РИА Новости шул хакта хәбәр итә.
Илнең Баш метеорология агентлыгы мәгълүматлары буенча, җир асты тирбәнешләре җирле вакыт белән 18.18 сәгатьтә (Мәскәү вакыты белән 12.18 сәгатьтә) булган. Җир тетрәү ноктасы 20 километр тирәнлектә су астында теркәлгән.
4 баллга кадәрге тирбәнешләр Хоккайдо, Аомори, Иватэ префектураларында сизелгән.
Әлегә зыян күрүчеләр һәм җимерүләр турында мәгълүмат юк. Поездлар хәрәкәтендә өзеклекләр турында да хәбәр ителми.