Марий Эл Республикасында су баскан юл җимерелүен видеога төшергәннәр
Марий Эл Республикасында юлның бер өлеше җимерелеп төшүе видеога эләккән. Әлеге кадрларны республика прокуратурасы күрсәтте.
Ведомство мәгълүматлары буенча, гадәттән тыш хәл 26 мартта Звенигово – Морки юлының 38нче километрында булган.
Анда суүткәргеч торба сафтан чыгу сәбәпле юлның бер өлешен су агызып киткән.
Урынга Звенигово районы прокуроры килгән.