Песков: Кремльдә мобилизациянең икенче дулкынын үткәрү турында фикер алышу юк
Россия хакимияте мобилизациянең икенче дулкынын уздыру мөмкинлеге турында фикер алышмый. Бу хакта бүген Кремльнең рәсми вәкиле Дмитрий Песков белдерде. ТАСС шул хакта хәбәр итә.
«Бездә андый фикер алышулар юк», - диде Россия Президентының матбугат сәркатибе, федераль агентлык журналистының соравына җавап биреп.
Бу тема белән кызыксыну Воронеж өлкәсе Хөкүмәте матбугат хезмәте хәбәреннән соң барлыкка килде. Төбәк хакимияте җирле халыкка военкоматка повесткалар тапшыра башлаганнарын сөйләде, дип яза «Татар-информ».
Повесткалар «Воронеж хәрби комиссариатларында хәрби исәпкә алу мәгълүматларын актуальләштерү» максатыннан тапшырыла, дип ышандырдылар өлкә хакимиятендә. Повестка гражданнарның яшәү урыны һәм аларның эш урыны буенча тапшырылачак, дип белдерелә.