Илсур Һадиуллин укучыларның әти-әниләре белән бергә рус теленнән БДИ тапшырды
Бүген, 13 мартта, Татарстан Республикасы мәгариф һәм фән министры Илсур Һадиуллин «Бергә бирәбез! Ата-аналар арасында БДИ тапшыру көне» акциясендә катнашты. Бу хакта ТР мәгариф һәм фән министрлыгы матбугат хезмәте хәбәр итә.
БДИга әзерләнгәндә, чыгарылыш сыйныф укучыларының белемнәре генә түгел, ә дөрес психологик халәттә булулары, үз көчләренә ышанулары да зур әһәмияткә ия. Һәм монда гаилә, ата-аналарның ролен бәяләп бетереп булмый.
Нәкъ менә шуңа күрә дә Рособрнадзор 7 нче ел рәттән, ата-аналарга үз тәҗрибәсендә БДИ кагыйдәләре, процедуралары һәм биремнәре белән танышу, аларны балаларына аңлату, аларга имтиханнар алдыннан дөрес әзерләнергә һәм артык психологик киеренкелекне бетерергә ярдәм итү өчен уникаль мөмкинлек бирү максатыннан акция үткәрә.
Акциядә теләге булган һәркем катнаша ала, моның өчен яшәү урыны буенча район башкарма комитетының мәгариф идарәсенә мөрәҗәгать итәргә һәм БДИ-2023 катнашучысының гаризасын тутырырга кирәк.