Чаллыда акча таләп итүдә шикләнелгән дүрт үсмер суд каршына басачак
Чаллыда акча таләп итүдә шикләнелгән үсмерләрне хөкем итәчәкләр. Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий шулай дип белдерде.
Тикшерүчеләр версиясе буенча, 2021 елда гаепләнүче үсмерләрнең олырагының йөргән кызы әти-әниләре бүләк иткән смартфонны ломбардка биргән, дустына исә аны 17 яшьлек танышы тартып алды дигән.
2022 елның көзендә егет өч иптәше белән әлеге үсмердән, имештер, урланган телефон өчен 20 мең сум акча таләп иткән, тегесе риза булмагач, кыйнап ташлаганнар.
Нәтиҗәдә, зыян күргән үсмер хокук сакчыларына мөрәҗәгать иткән, акча таләп итүчеләр белән очрашырга риза булган һәм полиция хезмәткәрләре контролендә аларга акча биргән, шуннан соң үсмерләрне тоткарлаганнар.
Җинаять эше судка тапшырылган.