Төркиядә җир тетрәүдә һәлак булган кешеләр саны 44 меңнән арткан
Төркиядә җир тетрәү корбаннары саны 44 218 кеше булган. Бу хакта РИА Новости Төркиянең Гадәттән тыш хәлләр буенча хөкүмәт идарәсенә сылтама белән хәбәр итте.
Бу мәгълүмат Төркиянең 10 провинциясенә кагыла, аларда төп тирбәнештән соң 9136 афтершок булган. 6 февральдә Төркиянең көньяк-көнчыгышында Кахраманмараш провинциясендә 7,7 һәм 7,6 магнитудалы җир тетрәү булды.
Узган дүшәмбедә Хатай провинциясендә 6,4 һәм 5,8 магнитудалы ике җир тетрәү булды.