Татарстанда өченче көн рәттән коронавирус белән авыручылар саны кими
Узган тәүлектә Татарстанда 152 кеше коронавирус инфекциясе йоктырган. 44 пациентны хастаханәгә китергәннәр.
Шулай итеп, республикада ковид белән авыручылар саны акрынлап кими: 24 февральдә 160 очрак, 25 февральдә 157 очрак теркәлгән. Гомумән алганда, пандемия вакытында Татарстанда 198080 кеше ковид йоктырган. Бу хакта стопкоронавирус.рф. порталында хәбәр ителә.
Шулай ук бер көндә 158 кешенең бу чирдән савыгуы һәм үлем очраклары булмавы турында да билгеле.