Балтусова: Миңнеханов Косма һәм Дамиан чиркәвен реставрацияләүне хуплады
Татарстан Республикасы Рәисе Рөстәм Миңнеханов сәүдәгәрләр Михляевларның йорт яны гыйбадәтханәсен - Косма һәм Дамиан чиркәвенең төзекләндерү кирәклеге турындагы идеяне хуплады. Кечкенә генә корылма Казанның иң борынгы гражданлык бинасы Михляев-Дряблов йорты янында һәм Петропавловск соборы кварталы комплексында урнашкан.
«Күптән түгел элеккеге Косма һәм Дамиан чиркәвенең бинасын проектлау өчен Татарстан Рәисе ярдәмен алдык. Аны тикшергәннән соң, якындагы елда эшкә алыначаклар. Чиркәүне тикшерүгә һәм проектлауга йөкләмә бар», - дип хәбәр итте Олеся Балтусова «Татар-информ»га.
«Татар-информ» хәбәр иткәнчә, Михляев-Дряблов йорты подрядчикны алмаштырган. Реконструкцияләү һәм реставрацияләү эшләре алып барылганнан соң эш өч елга тукталган, якын арада тарихи объектны торгызу этаплары дәвам итәчәк.
Ул билгеләп үткәнчә, якындагы елларда замандашлар күз алдында федераль әһәмияткә ия булган мәдәни мирас объекты - Петропавловск соборы тирәсендә XVIII гасыр корылмалары кварталының катлаулы пазлы барлыкка килергә тиеш.