Белгеч мошенниклар рәсмиләштергән кредиттан котылу ысулын аңлатты
Мошенниклар кеше исеменә рәсмиләштергән кредитларны түләргә кирәкми. Ссуданы чит кеше рәсмиләштергәне турында полициягә, кредит оешмасына һәм кредит тарихлары бюросына мөрәҗәгать итәргә кирәк. «Честное слово» онлайн микрокредитация сервисы генераль директоры Андрей Петков «РИА Новости»га шул турыда сөйләгән.
Мошенниклар чит кеше исеменә заем алса, зыян күрүчегә бурычны түләргә ярамый, дип искәртә ул. «Закон буенча, сез бу гамәл белән үзегезне кредит хуҗасы дип таныйсыз һәм киресен исбатлау инде барып чыкмаячак», – дип аңлата эксперт.
Аннан заказлы хат белән ялган кредит биргән кредит оешмасына гариза җибәрергә кирәк. Анда кредитордан рәсми рәвештә микрозайм килешүе турында мәгълүмат сорала. Аны алганнан соң, кредит оешмасына икенче гариза бирергә кирәк. Анда исем, фамилия, контактлар, шартнамә номеры, ялган займ бирү датасы, килешүне дәгъвалау һәм мошенник рәсмиләштергән займны кредит тарихыннан бетерү таләп итү турында мәгълүмат күрсәтелә. Шулай ук полициядән алган белешмәнең күчермәсен кулланырга кирәк.