Шойгу: Хатын-кызларны өлешчә мобилизация кысаларында чакырмаячаклар
Россиядә игълан ителгән өлешчә мобилизация кысаларында хатын-кызларны чакырмаячаклар. Бу хакта Россия саклану министры Сергей Шойгу мобилизацияләнгән ир-атларны урнаштыру әзерлеген һәм шартларын тикшерү вакытында белдерде. Бу хакта РИА Новости хәбәр итә.
«Юк. Бу киләчәккә планнарда да юк. Без хатын-кызларны чакырырга җыенмыйбыз», - диде журналистларга хәрби ведомство җитәкчесе.
Ул Мәскәү мэры Сергей Собянин һәм Мәскәү өлкәсе губернаторы Андрей Воробьев белән «Патриот» конгресс-күргәзмә үзәге базасында һәм Мәскәү өлкәсенең Кубинка шәһәрендә «Авангард» яшьләрне хәрби-патриотик тәрбияләү укыту-методик үзәге базасында мобилизацияләнүчеләрне урнаштыру урыннарын тикшерде.