Новости за 17.10.2023

Әфганстан Мәгълүмат һәм мәдәният министрлыгы химаясы астында узган журналист эшләре конкурсында этник татар Әхмәт Хан Дая Татар җиңде. Бу хакта «Татар-информ»га Әфганстан татарлары советы җитәкчесе Забихулло Надери Татар хәбәр итте.

Махсус хәрби операциядә катнашучыларның гаиләләрендәге һәр балага 20 мең сум акча ел дәвамында түләнеп килә. Бу хакта «Все свои» марафонында Татарстанның хезмәт, халыкны эш белән тәэмин итү һәм социаль яклау министры урынбасары Наталья Бутаева искәртте.

Югары Ослан районы Кызыл Байрак авылы имамы, Әфган сугышында, Чечня сугышында катнашкан һәм хәзер махсус хәрби операция волонтеры Тимур хәзрәт Ибраһимов «ВСЕ СВОИ» телемарафонында махсус хәрби операциядә катнашучыларга нинди киңәшләр биргәнен сөйләде.

Казанда Яңа Бистә мәчетендә («Иске Таш») төзекләндерү һәм манараны тәртипкә китерү эшләрен 2023 елда тәмамларга ниятлиләр. Бу хакта «Татар-информ»га ОСК баш инженеры Александр Забеднов сөйләде.

Якын арада Татарстанда махсус хәрби операциядә катнашучыларга социаль ярдәм чаралары буенча чат-бот кертү ниятләнә.

Татарстан Республикасы Хәрби комиссариаты контракт буенча хәрби хезмәткә сайлап алу пункты җитәкчесе урынбасары Рөстәм Сафиуллин «ВСЕ СВОИ» телемарафонында махсус хәрби операциядә катнашу өчен контракт белән хезмәт итүнең үзенчәлекләре турында сөйләде.

Татарстан Республикасы мөфтие урынбасары Равил хәзрәт Зөфәров дәүләтнең чиген саклап, бер сәгать шул хезмәттә булу 60 көн ураза тотуга тиң икәнен әйтте. Бу хакта ул контракт буенча хәрби хезмәткә теләктәшлек йөзеннән оештырылган «ВСЕ СВОИ» телевизион марафоны кысаларында сөйләде.

Санкт-Петербургның Калинин районындагы 146 мәктәбе Муса Җәлил исемен йөртәчәк. Санкт-Петербургның топономик комиссиясе шул хакта карар кабул иткән. Бу хакта «Татар-информ»га Татарстан Республикасының Санкт-Петербург һәм Ленинград өлкәсендәге даими вәкиле Ренат Вәлиуллин хәбәр итте.

«Барионикс» аквапаркының түбәсеннән профнастилны көчле җил куптарып аткан. Шаһитлар төшергән видеолар социаль челтәрләрдә чыкты.

Лаеш районы Русское Никольское авылының Никольский храмы рухание Ярослав Филиппов фикеренчә, хәрби сугышка үтерергә дип түгел, ә дошманга каршы торырга дип бара.

Яшел Үзәндә «ВСЕ СВОИ» марафоны кысаларында контракт хезмәтенә теләктәшлек йөзеннән пикет узды. Анда массакүләм мәгълүмат чаралары хезмәткәрләре, яшь армиячеләр, яшьләр оешмалары вәкилләре, шәһәрдә яшәүчеләр кушылды. Бу хакта «Татар-информ»га муниципаль берәмлек матбугат хезмәтендә хәбәр иттеләр.

Татарстан Республикасы камера оркестры җитәкчесе, Татарстан Республикасының атказанган сәнгать эшлеклесе Миләүшә Тәминдарова «ВСЕ СВОИ» телемарафонында кунакта булды. Аның сүзләренчә, җырлар рухны күтәрергә ярдәм итә.

«Нур» театры быел 20 октябрьдә - Мостай Кәримнең туган көнендә чыгарырга планлаштырган «Ай тотылган төндә» трагедиясен бер елга кичектерергә карар иткән.

Татарстан башкаласында, шәһәрнең төп җәяүлеләр локация урыннарында, контракт хезмәтенә ярдәм өчен бүген пикетлар уза. Волонтерлар һәм сайлап алу пунктлары вәкилләре Казан халкына контракт буенча хезмәт шартлары һәм ташламалары турында сөйләде.

Татарстан Рәисе Рөстәм Миңнеханов «Татарстанның атказанган төзүчесе» дигән мактаулы исем бирү һәм «Фидакарь хезмәт өчен» медале белән бүләкләү турындагы карарларга имза куйды. Документлар хокукый мәгълүмат сайтында чыкты.

«Халыкка шоу түгел, ә бер җылы истәлек концерты кирәк», – ди җырчы.

Контракт буенча хезмәткә алыну өчен паспорт та җитә. Бу хакта бүген Татарстан Республикасы Хәрби комиссариатының контракт буенча хәрби хезмәткә сайлап алу пункты башлыгы урынбасары Рөстәм Сафиуллин сөйләде. Ул аны контракт буенча хезмәткә ярдәм итү өчен «ВСЕ СВОИ» беренче телемарафоны вакытында җиткерде.

Контракт төзеп, махсус хәрби операциягә китүче Антон Сапожников дәүләт тарафыннан гаиләсенә ярдәм булыр, дип ышана. Ул - өч бала әтисе.

Татарстан белән Беларусь Республикасы арасындагы хезмәттәшлек Көнбатыш санкцияләре шартларында аеруча ачык күренә башлады. Бу хакта Татарстанның Дәүләт Советы Рәисе Фәрит Мөхәммәтшин Беларусь һәм Россия Берлеге Парламент җыелышының энергетика һәм транспорт буенча комиссиясе әгъзалары белән очрашуда белдерде.

Контракт буенча Чаллы шәһәреннән хәрби хезмәткә китүчеләргә өстәмә 200 мең сум түләнә. Бу хакта контракт буенча хәрби хезмәткә теләктәшлек буенча «ВСЕ СВОИ» телевизион марафоны кысаларында Чаллы шәһәре мэры Наил Мәһдиев сөйләде.

Казанда көчле җил берничә бина түбәсен җимергән. Бу хакта мәгълүмат һәм фотоларны социаль челтәрләрдә җирле халык урнаштыра.

Татарстанның Әлмәт районында хәрби хезмәткәрләрнең якыннарына утын әзерләүдә, документлар рәсмиләштерүдә ярдәм итәләр, хәрбиләрнең гаиләләре турында тулысынча кайгырталар. Бу хакта контракт буенча хезмәтне яклап узучы беренче «ВСЕ СВОИ» телемарафоны вакытында Әлмәт районы башлыгы Тимур Нагуманов хәбәр итте.

Суд приставлары махсус хәрби операциядә катнашучыларга карата башкарма эшчәнлекне туктата. Бу хакта Татарстан буенча Суд приставлары федераль хезмәте баш идарәсенең башкарма производствоны оештыру бүлеге башлыгы Альберт Ибәтуллин хәбәр итте. Ул аны бүген контракт буенча хезмәтне яклап узучы беренче «ВСЕ СВОИ» телемарафоны вакытында җиткерде.

Татарстанның атказанган артисты Марина Карпова улының Суворов училищесына укырга керүен әйтте. Ул үзе башкарган патриот рухтагы җырларның да тәэсире булгандыр, дип саный.

Күргәзмәдә Рим папасы Пий Vнең Явыз Иванга язган хаты, Петр Iнең Федор Апраксинга граф дәрәҗәсе бирүне раслаучы грамота һәм башка тарихи ядкәрләр бар.