Новости за 04.10.2023

Бүген 10.12 сәгатьтә 112 бердәм номерына Казанның Меридиан урамында урнашкан күп катлы йортның түбәсендә янгын чыгуы хакында хәбәр килгән.

Татарстан Рәисе Рөстәм Миңнеханов Россия Банкы рәисенең беренче урынбасары киңәшчесе Лариса Селютина белән республикада банк секторын үстерү мәсьәләләре хакында фикер алышты.

Нәзарәтнең Голәмәләр шурасы 2024 елга мөселман бәйрәмнәре календарен раслады.

19 октябрь көнне Татарстан Республикасы Милли китапханәсендә Саҗидә Сөләйманова исемендәге әдәби премия лауреатларын һәм стипендиатларын бүләкләү тантанасы узачак. Башлана 17.00 сәгатьтә. Бу хакта ТР Язучылар берлеге хәбәр итә.

Казанның җирле чатларында участковый исеменнән ялган белдерүләр урнаштырылуы турында хәбәрләр күренә башлады. Әлеге игъланнарда, имештер, өйләренә кадәр озатып куюны сораган балалардан сак булырга кирәклеге әйтелгән. Кызлар һәм ялгыз хатын-кызларга күрсәтелгән адрес буенча бармаска кушалар – җинаятьчеләр шул рәвешле үз корбанын алдап китерә.

Чувашия Республикасы мөселманнары Диния нәзарәте Шыгырдан авылының Миңнегалим хәзрәт Фәткуллов исемендәге 39нчы мәхәллә мәчетендә Аллаһ йортына нигез салынуга 15 ел тулуга багышланган бәйрәм үткәрде. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Октябрь аеннан торак-коммуналь хезмәтләр өчен түләүдә яңа кагыйдәләр гамәлгә керде. Алар Гражданнар кодексына кертелгән үзгәрешләрдә каралган. Дәүләт идарә университеты доценты Наталья Казанцева артыгын түләмәс өчен нәрсәгә игътибар итәргә кирәклеге турында сөйләде. Бу хакта «Прайм» агентлыгы хәбәр итә.

Әтнә театры оештырган Гомәр Мәрдәнов исемендәге театр фестивале кысаларында Балалар һәм яшүсмерләр арасында республика күләмендә драматургия конкурсының жюри комиссиясе Конкурсның шорт-битен формалаштырды. Бу хакта Әтнә театрының матбугат үзәге хәбәр итә.

2023 елның дүртенче кварталында Казанда яшь гаиләләрнең түләүгә сәләтлелеген һәм социаль түләүләрне исәпләү өчен торакның бер квадрат метры бәясе нормативын киметергә мөмкиннәр. Өченче квартал белән чагыштырганда аны 893 сумга төшереп, 130 982 сумга кадәр киметергә тәкъдим иттеләр. ТР башкаласы Башкарма комитеты әзерләгән карар проектында шул хакта сүз бара.

Бүген Татарстан Рәисе Рөстәм Миңнеханов Иннополис университеты ректоры Александр Тормасовка «Фидакарь хезмәт өчен» медален тапшырды. Бу хакта республика җитәкчесенең матбугат хезмәте хәбәр итә.

7 октябрьдә Мәскәү Татар мәдәнияте үзәгендә «Татарстан музыкаль театры хәзинәсеннән» XXI «Багышлау» татар хор музыкасы фестивале узачак. Бу хакта Мәскәү шәһәре татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Бүген көндез Татарстанда җылы һава торышы саклана, явым-төшем көтелми. Бу хакта республика Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Ульяновскиның «Өмет» газетасында «Бөек Болгар ядкарьләре» дигән язма чыкты.

Татарстанның «Нургали оныклары» берләшмәсендә тәрбияләнүче балалар мәктәп урманчылыкларының VII Бөтенроссия съезды призерлары булды. Бу турыда Татарстан Урман хуҗалыгы министрлыгы хәбәр итте.

28-30 сентябрь көннәрендә Бөтендөнья татар конгрессы Башкарма комитеты Нижневартовск шәһәре «Мирас» Татар милли-мәдәни автономиясе белән берлектә Нижневартовск шәһәре Мәгариф департаменты өчен татар телен һәм әдәбиятын өйрәнүнең иң яхшы үрнәкләрен күрсәтерлек программа төзеде. Мондый ихтыяҗ шәһәрдә 5000 меңнән артык татар баласы булуы белән бәйле. Бу турыда Конгрессның матбугате хезмәте хәбәр итте.

Төмәннең «Яңарыш» газетасында Гөлнур Вәлиеваның «Күңел җылылыгы белән» дигән язмасы чыкты.

16 октябрьдән Түбән Камада «Өченче буын университеты» нда дәресләр башлана. Бу хакта «эшлекле дүшәмбе» дә Түбән Кама муниципаль районы социаль яклау идарәсе башлыгы Светлана Романова сөйләде. «Туган як» сайтында шул хакта хәбәр ителә.

Казанда ясала торган яңа юл тамгасы 8.13 «Төп юл юнәлеше» юл билгесен кабатлаячак. Эшләр Вокзал – Путейская, Комсомол – Яруллин, Спартаков – Халев урамнары чатында башкарылачак. Бу хакта Россия Эчке эшләр министрлыгының Казан буенча ЮХИДИ бүлегендә хәбәр иттеләр.

Баулының Кызылъяр мәдәният йортында быел да Өлкәннәр көне зурлап билгеләп үтелде. Бәйрәмгә 60тан артык өлкән яшьтәге кеше килде. Бу хакта «Баулы-информ» хәбәр итә.

4 октябрьдә Саба районында гражданлык оборонасы буенча гадәттән тыш хәлләрне кисәтү һәм юкка чыгару төп чаралар планы нигезендә штаб күнегүләре уза. Бу хакта saby-rt.ru сайтында хәбәр ителә.

Лаеш районында яшәүче яшь буын — махсус хәрби операциядә катнашучы якташларына ярдәм итә. Бу хакта «Кама ягы» сайтында хәбәр ителә.

Лениногорскиның Мәдәният сараенда Өлкәннәр көне уңаеннан шәһәрнең үзешчән артистлары катнашында бәйрәм чарасы узды. Залда шактый гына халык җыелган иде. Күбесе — өлкән яшьтәге әби-бабайлар, абый-апалар. Аларны Өлкәннәр көне белән район башлыгы Рәгать Хөсәенов тәбрикләде. Бу хакта «Заман сулышы» хәбәр итә.