Новости за 03.04.2023

Байкалда Еланцы бистәсе янында 4,7 магнитудалы җир тетрәү теркәлгән. Бу хакта РИА Новости агентлыгы Россия Фәннәр академиясенең Себер бүлеге Бердәм геофизика хезмәтенең Байкал филиалы җитәкчесе Елена Кобелевага сылтама белән хәбәр итә.

Мирзо Олугбәк исемендәге Милли университетта Каюм Насыйри институтының белем бирү-мәдәни үзәге базасында татар телен өйрәнү өчен бушлай дәресләр укытыла. Дәресне Татарстан Республикасының атказанган мәдәният хезмәткәре Рәйхан Маннапова алып бара.

«Үз телем» бәйгесенең гомуми приз фонды – ике миллион сум.

2 апрельдә Сызрань Үзәк шәһәр һәм район хастаханәсе реанимациясендә элеккеге хәрби, язучы, шагыйрь, Сызрань шәһәре татар автономиясе әгъзасы Рәис Биглов 86 яшендә вафат булган. Бу хакта «Самар татарлары» сайты хәбәр итә.

Россиядә торак милекчеләрен акыллы счетчиклар урнаштыру һәм аларга хезмәт күрсәтү өчен торак-коммуналь хуҗалыгы хезмәткәрләрен фатирларына кертергә мәҗбүр итәргә мөмкиннәр. Бу хакта «Известия» газетасы РФ Төзелеш һәм торак-коммуналь хуҗалык министрлыгы хатына сылтама белән хәбәр итә.

Самара татарларының «Бердәмлек» газетасында Эльмира Шәвәлиеваның «Шәрыктан килгән Нәүрүз» дигән язмасы чыкты.

Санкт-Петербургтагы кафеда булган шартлауда шикләнелүче Дарья Трепованы тоткарлап, Тикшерү комитетына сорау алырга китергәннәр. Бу хакта «Интерфакс» агентлыгы чыганакка сылтама белән хәбәр итә.

Казанда «Лада» автомобиленең йөртүчесе зебрада электр самокатында барган ир-атны бәрдергән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.

Мәскәүнең Татар мәдәнияте үзәгендә яшьләр ифтары, шулай ук Каюм Насыйриның тормышы һәм иҗат эшчәнлегенә багышланган «Чикләвек» интеллектуаль уены узды. Бу хакта Бөтендөнья татар конгрессының матбугат хезмәте хәбәр итә.

Җырчы Элвин Грей сәхнәгә сынган кабыргалар белән чыкты. «Татар-информ» агентлыгы карамагында шуның видеосы бар. Җырчы катнашындагы концерт 2 апрельдә Чаллы янындагы «Медвежий угол» шәхси кафесында узарга тиеш иде.

Татар-башкорт җырчысы Радик Юльякшин (ул күбрәк Элвин Грей тәхәллүсе белән билгеле) клип төшергән вакытта җәрәхәтләнү сәбәпле берничә концертын күчерде. Җырчы «ВКонтакте» социаль челтәрендәге сәхифәсендә шул хакта хәбәр итте.

Әтнә театрында кытай кызы Ичэнь Лю диплом спектакле куя. Репетицияләр башланган.

26-28 майда Уфада беренче тапкыр «Китап бәйрәме» китап ярминкәсе узачак, ул алга таба ел саен үткәрелә башлар дип көтелә. Бу хакта «Башинформ» агентлыгы хәбәр итә.

Санкт-Петербургтагы кафеда шартлау вакытында зыян күрүчеләр саны 32 кешегә җиткән. Бу хакта РИА Новости агентлыгы хәбәр итә.

«Казан утлары» журналының баш мөхәррире Рөстәм Галиуллин «Әйтер сүз» рубрикасында туры эфирда барган әңгәмәдә диннең телне саклаудагы роле турында фикерен җиткерде.

Камчаткада җир тетрәү аркасында зыян күрүчеләр юк, дип белдерделәр Камчатка крае Сәламәтлек саклау министрлыгының Telegram-каналында.

2023 елның I кварталында «Татар-информ» мәгълүмат агентлыгы сайтына керүчеләр саны узган елның шул ук чоры белән чагыштырганда 22,1 процентка арткан. Гыйнвар-март айларында барлыгы 4,5 млн уникаль укучы теркәлгән.

«Казан утлары» журналының баш мөхәррире Рөстәм Галиуллин «Әйтер сүз» рубрикасында туры эфирда барган әңгәмәдә якын арада кесә китаплары форматында чыгачак басма турында әйтте.

Петербургта кафеда шартлаудан зыян күрүчеләр саны 25кә җитте, дип хәбәр итә РИА Новости.

Камчаткада 5,7 магнитудалы җир тетрәү булды, дип Россия Фәннәр академиясенең Камчатка геофизика хезмәте филиалында хәбәр иттеләр. Бу хакта РИа Новости яза.

Кукмараның Атлас Булатов исемендәге паркта Кошлар бәйрәме үткәрелде. Анда сыерчык ояларыннан күргәзмә, кош оялары ясау буенча мастер-класслар оештырылды.

Чүпрәле районы башлыгы Марат Гафаров махсус хәрби операциядә катнашучы райондаш егетләр белән очрашты. Алар ялга кайткан. Очрашу Чүпрәле районы Башкарма комитетының конференц-залында чәй өстәле артында узды.