Новости за 02.04.2020

(Казан, 2 апрель, «Татар-информ», Гөлнар Гарифуллина). Коронавируска бәйле гомуми изоляция вакытында өйдән чыгарга рөхсәт бирә торган ялган белешмәләр тәкъдим итү очраклары теркәлә башлаган. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ», Гөлнар Гарифуллина). Татарстан хастаханәләрендә 1,4 меңгә якын данә үпкәләргә ясалма вентиляция аппараты бар. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова әйтте.

(Казан, 2 апрель, «Татар-информ», Гөлүзә Ибраһимова). Тарих фәннәре кандидаты Илнар Гарифуллин милли үзаңны саклап калу өчен ваһһабчылык һәм сәләфичелеккә каршы торырга кирәклеген әйтте. Бу хакта ул «ТНВ» каналының «Татарлар» тапшыруында сөйләде.

(Казан, 2 апрель, «Татар-информ», Александра Давыдова). Татарстанда коронавирус инфекциясенә үткәрелгән башлангыч тестлар 21 кешедә уңай булып чыккан. 31 мартка булган мәгълүматлардан күренгәнчә, лаборатор тикшерүләрнең нәтиҗәләре раслауны көтә, диелә Татарстан буенча баш дәүләт санитар табибы, ТР буенча Роспотребнадзор идарәсе җитәкчесе Марина Патяшина чыгарган карарда.

(Казан, 2 апрель, «Татар-информ», Александра Давыдова). 1 апрельгә булган мәгълүматлардан күренгәнчә, ТР буенча Роспотребнадзор идарәсе белгечләре үз-үзеңне изоляцияләү режимын бозган өчен 28 беркетмә төзегән. Россиягә чит илләрдән кайткан татарстанлыларны һәм авырулар белән контактка керүчеләрне штрафка тартканнар. Бу хакта ведомствоның матбугат хезмәтеннән хәбәр иттеләр.

(Казан, 2 апрель, «Татар-информ», Арсений Кәримов). Россия халкы кылган батырлык онытылмаска, аның турында истәлек буыннан буынга тапшырылырга тиеш, Конституциягә тарихи дөреслекне саклау турында төзәтмә нәкъ менә шуның өчен кирәк. КФУның конфликтология кафедрасы мөдире, КФУ каршындагы Иҗтимагый-сәяси һәм этноконфессиональ мәсьәләләр буенча эксперт советының җаваплы сәркатибе Андрей Большаков «Татар-информ» агентлыгына биргән интервьюсында шундый фикерен белдерде.

(Казан, 2 апрель, «Татар-информ»). Covid-19 таралу белән бәйле рәвештә, Россия Президенты Владимир Путин бүген ил халкына яңа мөрәҗәгать белән чыгыш ясый. Бу турыда Президентның матбугат сәркатибе Дмитрий Песковка сылтама белән РИА Новости хәбәр итте.

(Казан, 2 апрель, «Татар-информ»). Казанда 2 апрельдә үз-үзеңне изоляцияләү индексы 4,2 балл тәшкил итә, 1 апрельдә ул 3,8 балл булган. «Яндекс» шундый тикшеренү нәтиҗәләрен китерә.

(Казан, 2 апрель, «Татар-информ», Гөлнар Гарифуллина). Татарстан Президенты Рөстәм Миңнеханов атнасына ике мәртәбә эшмәкәрләр өчен онлайн семинарларда катнашачак. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ», Полина Шевчук). Россия Президенты указы нигезендә генерал-лейтенант Игорь Хвостиков Россия Федераль куркынычсызлык хезмәтенең Татарстан Республикасы буенча идарәсе башлыгы итеп билгеләнде. Бу хакта «Татар-информ» агентлыгына Россия Федераль куркынычсызлык хезмәтенең Татарстан буенча идарәсе матбугат хезмәтеннән хәбәр иттеләр.

(Казан, 2 апрель, «Татар-информ»). Татарстанда соңгы тәүлектә коронавирус инфекциясе йоктыруның яңа очраклары теркәлмәгән. Роспотребнадзор чыгарган статистика хәбәрендә шул хакта хәбәр ителә.

(Казан, 2 апрель, «Татар-информ», Гөлнар Гарифуллина). Татарстанда коронавирус инфекциясе турында ялган мәгълүмат таратуның җиде очрагы ачыкланган. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ», Гөлнар Гарифуллина). Коронавируска бәйле рәвештә изоляция чорында авыл хуҗалыгы продукциясе җитештерүчеләр өчен республикада хәрәкәт чикләнмәгән. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ», Гөлнар Гарифуллина). Covid-19 таралу аркасында изоляция вакытында Татарстанда алкоголь сатуны чикләү мәсьәләсе тормый. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ», Әдилә Зыятдинова). Мәрҗани мәчете имамы Мансур хәзрәт Җәләлетдин «Татар-информ» агентлыгына биргән интервьюсында барлык мөселманнарга өйдә утырырга, шулай ук үзеңнең һәм якыннарыңның сәламәтлеген сакларга чакырды.

(Казан, 2 апрель, «Татар-информ», Гөлнар Гарифуллина). Татарстан Республикасы Президенты Рөстәм Миңнеханов коронавируска даими рәвештә тикшеренә. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова әйтте.

(Казан, 2 апрель, «Татар-информ», Гөлнар Гарифуллина). Коронавирус аркасында изоляция шартларында Татарстанның ундүрт шәһәрендә керү һәм чыгару аерым тәртиптә башкарыла. Бу хакта онлайн-брифинг барышында Татарстан Президенты матбугат хезмәте җитәкчесе Лилия Галимова әйтте.

(Казан, 2 апрель, «Татар-информ», Полина Шевчук). Әлмәттә Үзәк район хастаханәсе пациентларының коронавирус йоктыруы турында ялган хәбәр тараткан хатын-кызга штраф салганнар. Бу хакта «Татар-информ» агентлыгына ТР буенча Эчке эшләр министрлыгының матбугат хезмәтеннән хәбәр иттеләр.

(Казан, 2 апрель, «Татар-информ», Гөлнар Гарифуллина). Коронавирус белән авырган дүрт кеше сәламәтләнеп, Республика йогышлы авырулар хастаханәсеннән чыгарылган. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова әйтте.

(Казан, 2 апрель, «Татар-информ», Адилә Зыятдинова). Рамазан ае коронавирус белән бәйле вазгыятькә үзгәрешләр кертәчәк, чөнки барлык мөселманнар да дога кылачак. «Әл-Мәрҗани» мәчете имамы Мансур хәзрәт Җәләлетдин «Татар-информ» корреспондентына биргән интервьюсында шундый фикер белдерде.

(Казан, 2 апрель, «Татар-информ», Әдилә Зыятдинова). Быел изге Рамазан ае 24 апрельдә башлана. Коронавирус инфекциясе таралуга да карамастан, мөселманнар уразаны гадәттәгечә тотачак. Казанның Мәрҗани мәчете имамы Мансур хәзрәт Җәләлетдин «Татар-информ» агентлыгына биргән интервьюсында шул хакта хәбәр итте.

(Казан, 2 апрель, «Татар-информ»). Россиядә коронавирус эпидемиясе җәйгә чигенәчәк, дип белдерде Федераль медицина-биологик агентлыгының баш инфекционисты Владимир Никифоров «Беренче канал» эфирында.

(Казан, 2 апрель, "Татар-информ"). Росстат коронавирус Covid-19 пандемиясе аркасында Бөтенроссия халык санын алуны 2021 елга күчерергә тәкъдим итте. Бу хакта ТАСС ведомствоның матбугат хезмәтенә сылтама белән хәбәр итә.

(Казан, 2 апрель, «Татар-информ»). Казанда 31 мартта янә температура рекорды теркәлде. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

(Казан, 2 апрель, «Татар-информ»). Россия Дәүләт Думасы, РФ Президенты йөкләмәсенә бәйле рәвештә, гражданнар, шәхси эшкуарлар, кече һәм урта эшкуарлык субъектларына кредит каникуллары бирү турындагы законны соңгы укылышта кабул итте. Бу хакта ТАСС агентлыгы хәбәр итә.