Новости за 04.07.2021

Ўзбекистонда 5 июль куни ҳаво ҳароратининг янада исиши, +47 даражагача кўтарилиши кутилмоқда. "Ўзгидромет" бу каби аномал иссиқ сабабини "Эрон ҳудудларидан иссиқ ҳаво кириб келишининг кучайиши" билан изоҳлаган. Вилоят ҳокимликлари, вазирликлар, идоралар ҳаво ҳарорати кескин кўтарилиши оқибатида юзага келадиган нохуш ҳолатларнинг олдини олишга шай бўлиб туриш ҳақида топшириқ олган . Одамлар гавжум жойларда, жумладан, бозорлар, сайилгоҳлар, кўнгилочар масканларда биринчи тиббий ёрдам кўрсатиш... Читать дальше...

Филиппинда мамлакат ҳарбий-ҳаво кучларига тегишли С-130 учоқ Сулу архипелагида ҳалокатга учради. Ҳалокат оқибатида камида 17 киши ҳалок бўлди. Воқеа 4 июль куни маҳаллий вақт билан соат 11:30да юз берган. Учоқ бортида камида 85 киши бўлган. Хабарларга кўра, Кагаян-де-Оро шаҳридан ҳарбийларни ташиб кетаётган учоқ Холо аэропортига қўниш вақтида қишлоққа қулаган.  Маълумотларга кўра, 40 кишини қутқаришга муваффақ бўлинган ва улар шифохонага етказилган. Камида 17 киши ҳалок бўлган ва қурбонлар сони ошиши мумкин.

Ўзбекистонда коронавирус инфекциясига қарши ихтиёрий равишда эмланган тўлов-контракт асосида ўқийдиган талабаларга ташкилий-ҳуқуқий шаклидан қатъи назар, 2021/2022 ўқув йили учун базавий тўлов контарктига 10 фоиз миқдорида бир марталик чегирма бонуси берилади. Бу ҳақда Ўзбекистон Олий таълим вазирлиги маълум қилди. Вазирликка кўра, ҳозирда олий таълим муассасаларида таҳсил олаётган 18 ёшдан катта бўлган, бугунги кунда бакалавриатура, магистратура, клиник ординатура босқичларида таҳсил олаётган... Читать дальше...

Ўзбекистон соғлиқни сақлаш вазирлиги сўнгги бир кунда мамлакатда 467 кишида коронавирус аниқланиб, 2 бемор вафот этгани ҳақида хабар берди. Вазирликка кўра янги касалланиш ҳолатлари вилоятларда ҳам ортган. Энг кўп холат Самарқанд, Жиззах, Андижон ва Тошкент вилоятида қайд этилган. Бу вилоятларда кунлик холатлар олтмиштадан кўпни ташкил этади. Пойтахт Тошкентда эса кунлик кўрсаткич юздан ошади. Шунингдек, 2 нафар коронавирусга чалинган бемор вафот этиб, касалликдан вафот этганлар сони 747 нафарни ташкил қилди. Читать дальше...

Қозоғистоннинг Қизилўрда шаҳри яқинида кичик ҳажмдаги Ан-2 учоғи ҳалокатга учради. Қозоғистон фавқулодда вазиятлар вазирлиги маълумотларига кўра, воқеа 4 июль куни  7лар атрофида Қизилўрданинг Қараултўбе қишлоғида рўй берган. Учоқ техник носозлик сабабли мажбурий қўнишга уриниш вақтида ерга қулаган.  Самолётда икки учувчи бўлган. Уларга жиддий жароҳат етмаган. Қозоғистон қишлоқ хўжалиги ва бошқа соҳаларда Россияда ишлаб чиқарилган уч юзга яқин Ан-2 самолётларидан фойдаланади.

Ўзбекистон Сенати раиси Танзила Норбоева Тошкентда журналистлар билан ўтказилган учрашувда оммавий ахборот воситалари эркин бўлишини таъкидларкан “журналистлар фаолиятига аралашишга, сизларга кўрсатма, йўналиш беришга ҳеч кимнинг ҳаққи йўқ”, – деди. Норбоева ҳозирда оммавий ахборот воситалари соҳасига доир янги ҳужжат устида иш олиб борилаётганини ҳам айтди. "ОАВ ишига аралашиб, уларга бунақа ёз, унақа ёз, у нотўғри, бу тўғри дейиш давлатнинг иши эмас. Чунки сўз эркинлиги, ошкоралик – ҳаётимизда танлаб олган асосий тамойилларимиздан бири”... Читать дальше...