Новости за 11.08.2023

Numri i kalimeve të jashtëligjshme kufitare në Bashkimin Evropian (BE) është rritur në nivel rekord në shtatë muajt e parë të këtij viti, me 176.000 tentimeve për t’u futur në bllok, ka thënë agjencia për menaxhimin e kufirit e BE-së, Frontex, të premten. Kjo është shifra më e lartë për këtë periudhë kohore që nga viti 2016, dhe përbën një rritje prej 13 për qind. Vetëm në muajin korrik, 42.700 njerëz e kaluan kufirin jashtëligjshëm, një rritje prej 19 për qind krahasuar me muajin korrik 2022, tha Frontex. Читать дальше...

Kryeministri i Kosovës, Albin Kurti, ka kërkuar të premten që punimet për ndërtimin e një rruge që e lidh Prizrenin me Tetovën, të nisin sa më shpejt. Duke folur gjatë një vizite për përurimin e riemërimit të një rruge më 11 gusht në Maqedoninë e Veriut, Kurti tha se rruga Prizren-Tetovë do ta ndihmonte dukshëm zhvillimin e Kosovës dhe Maqedonisë së Veriut. “Aksi që e lidh Prizrenin me Tetovën është marrëveshje mes dy qeverive tona, nga mbledhja e përbashkët, e nënshkruar nga dy kryeministrat... Читать дальше...

Për rreth 30 qytetarë afganë që ikën nga pushtimi taliban, rruga drejt zhvendosjes në Shtetet e Bashkuara të Amerikës është bllokuar në kampin Liya, brenda bazës ushtarake amerikane, Bondsteel, në Ferizaj. Disa prej tyre nuk kanë kaluar verifikimet e nevojshme të sigurisë, e të tjerët janë ende në proces. Nga Departamenti i Shtetit thonë se janë duke punuar në gjetjen e një zgjidhjeje sa më të shpejt për ta, ndërkohë, Qeveria e Kosovës është shprehur e gatshme të vazhdojë qëndrimin e tyre në Kosovë edhe për një vit. Читать дальше...

Reuters Kina është goditur nga disa vërshime shkatërruese në javët e fundit, duke shkaktuar vdekje dhe dëme të mëdha në infrastrukturë. Kjo situatë i ka ngjallur dilemat nëse është duke pasur efekt iniciativa e vitit 2015 me "qytetet sfungjerë", të cilat mëtojnë të zvogëlojnë rrezikun nga vërshimet në zonat urbane. Iniciativa është lansuar për të rritur qëndrueshmërinë në qytetet e mëdha dhe për ta përdorur më mirë ujin e shiut përmes qasjeve arkitekturore dhe inxhinierike. Megjithatë,... Читать дальше...

Tre persona janë vrarë dhe tre të tjerë janë plagosur nga të shtënat të premten në një qytet në afërsi të kantonit të Tuzlës në Bosnjë dhe Hercegovinë, njoftoi Ministria e Brendshme e këtij kantoni. I dyshuari Nermin Sulejmanoviq, 35 vjeç, është gjetur i vdekur nga forcat e policisë në zonën e qytetit verilindor të Bosnjës, Gradaçacit. Ai kreu vetëvrasje. “Sulejmanoviq e vrau ish-bashkëshorten dhe dy burra të tjerë, babë e bir, me pistoletë. Ai, po ashtu, e plagosi një polic, si dhe një burrë... Читать дальше...

Të premten në Prizren është protestuar kundër një performance të realizuar në hapje të Festivalit Ndërkombëtar të Filmit të Shkurtër dhe Dokumentar, Dokufest, që mbahet në të njëjtin qytet. Thirrja për protestë është bërë Këshilli i Bashkësisë Islame të Prizrenit. Asociacioni i Gazetarëve të Kosovës (AGK), tha në një reagim se ka ndodhur një sulm ndaj ekipit të portalit Nacionale, gazetarit Vullnet Krasniqi dhe kameramanit, Arbër Latifi, gjatë protestës më 11 gusht në Prizren. “Ky është një... Читать дальше...

Zyra e Prokurorit e Bosnjës dhe Hercegovinës ka ngritur aktakuzë kundër presidentit të entitetit të Republikës Sërpska, Millorad Dodik, si dhe kundër drejtorit të gazetës zyrtare të Republikës Sërpska, Millosh Lukiq, të cilët akuzohen për veprën penale për moszbatimin e vendimeve të përfaqësuesit të lartë në Bosnje e Hercegovinë, Christian Schmidt. Lajmi u konfirmuar nga Zyra e Prokurorit e Bosnjës dhe Herzegovinës (ZPBH) për Radion Evropa e Lirë (REL) më 11 gusht. Gjykata e Bosnjës dhe Hercegovinës... Читать дальше...

Policia e Kosovës i ka arrestuar pesë persona dhe është në kërkim të një personi tjetër, pas sulmit që u është bërë zyrtarëve policorë në Zveçan, teksa kanë qenë duke e luftuar kontrabandën, ka thënë zëvendësdrejtori i Policisë për veriun, Veton Elshani. Duke folur për Radion Evropa e Lirë, ai ka thënë se në orët e hershme të së premtes, Policia ka tentuar ta ndalë një kamion me mallra kontrabanduese, kur kanë nisur të shtënat e grupit, të cilave Policia u është përgjigjur njëjtë. “Nuk ka të plagosur... Читать дальше...

Qeveria e Kosovës në periudhën e ardhshme do të duhej të anulonte vendimin për ndalimin e importit të mallrave të prodhuara në Serbi, por pret që edhe Bashkimi Evropian t’i anulojë masat ndëshkuese ndaj Prishtinës, thotë për Radion Evropa e Lirë (REL), ministri për Komunitete dhe Kthim, Nenad Rashiq. Siç shpjegon ai, anulimin e vendimit për ndalimin e importit të mallrave serbe ia kanë kërkuar kryeministrit të Kosovës, Albin Kurti, përveç tij edhe “disa diplomatë ndërkombëtarë”. Sipas Rashiqit... Читать дальше...

Të paktën 23 ushtarë sirianë janë vrarë në një sulm për të cilin janë fajësuar militantë të grupit ekstremist, Shteti Islamik (IS). Vëzhguesi Sirian për të Drejta të Njeriut, me bazë në Londër, ka thënë se xhihadistët e kanë rrethuar autobusin ushtarak në provincën lindore Deir al-Zour. Më shumë se 10 ushtarë tjerë janë plagosur dhe dhjetëra tjerë besohet se janë të zhdukur. Ky është përshkruar si sulmi më i përgjakshëm që është kryer nga militantët e IS-it këtë vit. Pjesëtarë të këtij grupi... Читать дальше...

Davit Jeladze po shëtiste me familjen, kur një rrëshqitje dheu goditi qytezën gjeorgjiane Shovi, më 3 gusht. Jeladze dhe mbesa e tij 6-vjeçare, Masho, kaluan katër orë nëpër baltë, para se të dilnin në një zonë të sigurt. Të paktën 21 persona janë mbytur nga rrëshqitja e dheut në Gjeorgji, ku më 7 gusht u mbajt ditë zie, teksa kërkimi për të zhdukurit ende s’ka mbaruar. (Përgatitën: Trim Haliti dhe Lendi Susuri)

Kombet e Afrikës Perëndimore janë duke u përgatitur të premten për një intervenim të mundshëm ushtarak në Niger, pas puçit ushtarak të disa javëve më parë. Megjithatë, shtetet fqinje kanë thënë se ende nuk kanë hequr dorë nga zgjidhja e krizës në mënyrë paqësore. Ushtria e Nigerit e ka rrëzuar ish-presidentin e shtetit, Mohamed Bazoum më 26 korrik, duke e regjistruar puçin e shtatë në perëndim dhe qendër të Afrikës në tre vjetët e fundit. Ky veprim e ka rritur edhe më shumë jostabilitetin në këtë rajon të varfër... Читать дальше...

Zjarret pyjore në Maui të Havait i kanë lënë të vdekur të paktën 53 persona, dhe shifrat pritet të rriten, kanë thënë zyrtarët. Guvernatori Josh Green ka thënë se zjarret e kanë shkrumbuar qytezën Lahaina, duke i lënë mijëra persona pa strehë mbi kokë. Si pasojë e kësaj katastrofe, që po konsiderohet më e keqja në historinë e vendit, besohet se janë rrafshuar 1.000 ndërtesa. “Do të duhen shumë vjet për ta rindërtuar Lahainan”, ka thënë Green në një konferencë për media, teksa zyrtarët kanë... Читать дальше...

Të paktën 23 persona të minoritetit Rohingya kanë vdekur si pasojë e fundosjes së anijes, teksa kanë qenë duke ikur nga Mianmari – i njohur edhe si Burma. Edhe 30 persona tjerë janë të zhdukur, ndërsa tetë besohet se i kanë shpëtuar incidentit. Të mbijetuarit kanë thënë se kanë tentuar të shkojnë në Malajzi, por anija e tyre me më shumë se 50 persona është braktisur nga ekipi transportues. Çdo vit, mijëra myslimanë Rohingya tentojnë të kalojnë përmes detit në Malajzi apo Indonezi. Ata i ikin... Читать дальше...

Të paktën 23 persona janë lënduar në jug të Turqisë, si pasojë e një tërmeti 5.2 shkallësh të Rihterit. Për këtë tërmet është raportuar rreth gjashtë muaj pas dy tërmeteve të mëdha shkatërruese në këtë rajon. Qendra për vëzhgim të tërmeteve, Kandili, ka raportuar se tërmet ka ndodhur në mbrëmjen e së enjtes. Ministri turk i Shëndetësisë, Fahrettin Koca, ka thënë të enjten në mbrëmje se plagët janë shkaktuar për shkak të kërcimit të banorëve nga katet e larta. Epiqendra e tërmetit ka qenë në provincën Malatja. Читать дальше...

Një reper rumun e ka nxitur një vorbull të zemërimit moral – dhe ka fituar pakëz përkrahje njëkohësisht – pasi adoleshentët i kënduan bashkë me të vargjet me përmbajtje gangsterizmi dhe tërbimi në një festival muzike në Transilvani. Gheboasa, një artist 21-vjeçar i muzikës hip-hop, emri i vërtetë i të cilit është Gabriel Gavris, përformoi në festivalin katërditor të muzikës elektronike në Cluj-Napoca më 4 gusht. Pas një zemërimi të madh në rrjetet sociale rumune dhe një debati të ashpër në media mbi kulturën për disa ditë më radhë... Читать дальше...