Новости за 20.01.2017

Բելառուսի գլխավոր դատախազի տեղակալը որոշում է կայացրել բավարարել Ադրբեջանի գլխավոր դատախազության խնդրանքը Ռուսաստանի և Իսրայելի քաղաքացի Ալեքսանդր Լապշինին հանձնելու վերաբերյալ՝ Ադրբեջանի քրեական օրենսգրքով պատասխանատվության ենթարկելու համար։ Այդ մասին այսօր հաղորդում է Հայաստանի Փաստաբանների պալատի նախագահ Արա Զոհրաբյանը: Ըստ հաղորդագրության, որոշումը կարող է բողոքարկվել Մինսկի քաղաքային դատարան՝ տասնօրյա ժամկետում։ Որոշումը դեռ չեն տրամադրել Ալեքսանդր Լապշինի փաստաբաններին։ Վերջիններիս հաջողվել է քաղվածք կատարել որոշումից... Читать дальше...

Կենտրոնական ընտրական հանձնաժողովի նախագահ Տիգրան Մուկուչյանի պնդմամբ՝ ընտրությունները կարող են թափանցիկ անցկացվել նաև առանց տեսախցիկների:

Ըստ Հայաստանի գլխավոր դատախազության պաշտոնական կայքէջի, ապրիլի 2-ին կայանալիք խորհրդարանական ընտրությունների նախապատրաստման և անցկացման ընթացքում հնարավոր ընտրական իրավախախտումների վերաբերյալ մամուլի և զանգվածային լրատվության մյուս միջոցների հրապարակումները, քաղաքացիների հաղորդումները և գլխավոր դատախազության թեժ գծով ստացված ահազանգերը ուսումնասիրելու, ըստ ենթակայության ուղարկելու, այդ հաղորդումների քննարկման, դրանց հիման վրա նախապատրաստված նյութերի և հարուցված քրեական գործերի նախաքննության նկատմամբ... Читать дальше...

«Իսլամական պետություն» (ԻՊ) խմբավորման զինյալները հնագույն Պալմիրա քաղաքում ավերել են աշխարհահռչակ Տետրապիլոն ճարտարապետական համալիրը և հռոմեական ամֆիթատրոնի ճակատային մասը: Այս մասին հայտնում է Սիրիայի պետական SANA լրատվական գործակալությունը: Ավերածությունների փաստը հաստատել է նաև երկրի հնագիտական հուշարձանների պահպանման գործակալության ղեկավար Մահմուն Աբդուլքարիմը: Վկայակոչելով տեղական աղբյուրները՝ նա նշել է, որ դա տեղի է ունեցել մոտ 10 օր առաջ:

Հայ ազգային կոնգրես (ՀԱԿ) խմբակցության ղեկավար, կուսակցության փոխնախագահ Լևոն Զուրաբյանն այսօր հանդիպել է ԵՄ դեսպան Պյոտր Սվիտալսկուն: Ըստ ՀԱԿ լրատվական ծառայության, հանդիպման ընթացքում քննարկվել են Հայաստանի ներքաղաքական իրավիճակի, 2017 թվականի Ազգային ժողովի ընտրական գործընթացի, համաձայնագրով նախատեսված ընտրական տեղամասերում տեսախցիկների տեղադրման վերաբերյալ հարցերը, ինչպես նաև մտքեր են փոխանակվել Հայաստան-Եվրոպական Միություն հարաբերությունների և ղարաբաղյան խնդրի կարգավորման ընթացքի շուրջ:

Հայաստանը որևէ կերպ չի կարող հակազդել Ադրբեջանի և Ռուսաստանի միջև սպառազինությունների գնման հնարավոր նոր գործարքին, կարծում է լրագրող-վերլուծաբան Թաթուլ Հակոբյանը:

Ծառուկյանի վերադարձից հետո ՀՀԿ-ն գործադիր մարմնի առաջին նիստն անցկացրեց։

Ամենայն հավանականությամբ պաշտպանության նախկին նախարար Սեյրան Օհանյանը կղեկավարի նորաստեղծ դաշինքի նախընտրական ցուցակը՝ մնալով անկուսակցական:

Ծանր հիվանդ Սամվել Իսրայելյանն ասում է, թե մտադիր է եղել մասնակցել նաև ապրիլյան պատերազմին: «Երկրապահից ասացին՝ դու լավ չես, չես կարա գնաս։ Բայց էս վիճակով էլ․․․ ես իմ հայ ժողովրդի ցավը տանեմ»,- ասում է ազատամարտիկը:

ԱՄՆ նախագահի պաշտոնում իր վերջին աշխատանքային օրը Բարաք Օբաման, կնոջ՝ Միշել Օբամայի հետ, հեռախոսազրույց են ունեցել Գերմանիայի կանցլեր Անգելա Մերկելի և նրա ամուսնու՝ Իոախիմ Զաուերոյի հետ: Օբաման Մերկելին շնորհակալություն է հայտնել բարեկամության, Գերմանիայի և ԱՄՆ-ի միջև հարաբերությունների խորացման համար, ասվում է Սպիտակ տան հաղորդագրությունում: Նա Գերմանիայի կանցլերին անվանել է անդրդվելի և հուսալի միջազգային գործընկեր, որի հետ աշխատել է իր նախագահության ութ տարիների ընթացքում:

Բելառուսի նախագահ Ալեքսանդր Լուկաշենկոն հայտարարել է, որ երկրին ռուսական նավթի մատակարարումների կրճատումը պետք է լրացվի այլընտրանքային տարբերակներով։ «Մենք մարդկանցից ոչինչ չենք թաքցնում, կարծում եմ՝ պետք չէ։ Աղետ չէ, բայց Ռուսաստանից նավթի մատակարարումների կրճատումները պետք է փոխարինվեն այլընտրանքային տարբերակներով», - Լուկաշենկոյի խոսքերն է մեջբերում «Բելտա» գործակալությունը։ Ավելի վաղ հաղորդվել է, որ Ռուսաստանը մտադիր է կրճատել Բելառուս արտահանվող նավթային պաշարները՝ առաջին եռամսյակում 4.5... Читать дальше...

Թմրանյութերի վաճառքով զբաղվող համաշխարհային ամենախոշոր հանցախմբերից մեկի ղեկավար Չապո Գուսմանը Մեքսիկայից արտահանձնվեց ԱՄՆ։ Գուսմանը, ով նախկինում երկու անգամ փախուստի է դիմել մեքսիկական խիստ ռեժիմի բանտերից, դատարանի առջև կկանգնի Նյու Յորքում:  ԱՄՆ վեց նահանգների դաշնային դատախազությունները նրան մեղադրանք են առաջադրել թմրանյութերի վաճառքի, սպանությունների և փողերի լվացման հոդվածներով։

Ռիո դե Ժանեյրոյում ավիավթարից մահացել է Բրազիլիայի գերագույն դատարանի դատավոր Թեոդոր Զավասկին, ով համակարգում էր երկրում գլխավոր հակակոռուպցիոն հետաքննությունը, փոխանցում է AP-ը։ Զավասկին մասնակցել է բրազիլական պետական նավթագազային Petrobas ընկերությունում կոռուպցիոն սխեմաների բացահայտման գործընթացներին։ Նա, մասնավորապես, պատասխանատու էր բարձրաստիճան պաշտոնյաների, այդ թվում՝ նախկին նախագահներ Լուիս Լուլա դա Սիլվայի և Դիլմա Ռուսեֆի գործերի համար։

Լրատվամիջոցները շարունակում են հետևել խորհրդարանական ընտրություններին ընդառաջ քաղաքական դաշտում տեղի ունեցող զարգացումներին: Մամուլի ուշադրության կենտրոնում նաև տնտեսական թեմաներն են:

Խոսքը վերաբերում է նաև երկրի անվտանգության համար կարևոր նշանակություն ունեցող հաստատություններում աշխատող պաշտոնյաների:

Ամերիկյան անտեսանելի ռմբակոծիչները հարվածներ են հասցրել «Իսլամական պետություն» (ԻՊ) ահաբեկչական խմբավորման երկու ճամբարների ուղղությամբ՝ Լիբիայի հյուսիսում։ Գործողության արդյունքում ոչնչացվել է 85 զինյալ։ Միացյալ Նահանգների պաշտպանության նախարար Էշթոն Քարթերը հայտարարել է, որ զինյալների մեծ մասը հարձակումներ էին ծրագրել Եվրոպայում։

ԱՄՆ հետախուզության տվյալներով, Բարաք Օբամայի նախագահության օրոք տարբեր երկրներում ամերիկյան գործողությունների զոհ է դարձել 117 քաղաքացիական անձ։ Թեև այդ երկրները չեն նշվում, սակայն հայտնի է, որ ԱՄՆ պաշտպանության նախարարությունը և Կենտրոնական հետախուզական վարչությունը թիրախներ են հետապնդել Պակիստանում, Եմենում, Սոմալիում և Լիբիայում: Տվյալները չեն ներառում Միացյալ Նահանգների կողմից որպես ակտիվ մարտական գործողությունների շրջաններ դիտարկվող Իրաքում, Սիրիայում և Աֆղանստանում ավիահարվածներից տուժածներին։

Այսօր առավոտյան Հայաստանի տարածքում ավտոճանապարհներն անցանելի են: Արտակարգ իրավիճակների նախարարության հաղորդագրության համաձայն՝ Իջևան-Դիլիջան, Իջևան-Նոյեմբերյան ավտոճանապարհներին, Մ-11 ավտոճանապարհի Սոթք-Քարվաճառ հատվածի 26-35-րդ կմ-երին տեղ-տեղ առկա է մերկասառույց: Մ-4 ավտոճանապարհի Երևան-Սևան հատվածի մինչև 17-րդ կմ-ին, Գորիս-Կապան ավտոճանապարհին, Արագածոտնի մարզի Աշտարակ և Կոտայքի մարզի Եղվարդ քաղաքներում առկա է մառախուղ: Լոռու մարզում (բացի Սպիտակ քաղաքից), Տավուշի մարզի Իջևան քաղաքում առկա են տեղումներ ձյան տեսքով... Читать дальше...

Շարմազանով խոսքով՝ նիստին իշխող կուսակցությունը խորհրդի նոր կազմ կընտրի։

Գագիկ Ծառուկյանի առաջարկով Վերահսկիչ պալատի նախագահ Իշխան Զաքարյանը ստանձնել է Ծառուկյանի գլխավորած դաշինքի նախընտրական շտաբի պետի աշխատանքները։ Այդ մասին այսօր առավոտյան «Ազատությանը» փոխանցեց Ծառուկյանի խոսնակ Իվետա Տոնոյանը։ Վերահսկիչ պալատի նախագահ Զաքարյանը մինչև ապրիլի 6-ը կգտնվի արձակուրդում։

Ամերիկայի Միացյալ Նահանգների 44-րդ նախագահ Բարաք Օբամայի լիազորություններն այսօր կավարտվեն, և մոլորակի թիվ մեկ գերտերության ղեկավարումը կստանձնի 45-րդ նախագահ Դոնալդ Թրամփը: Դա տեղի կունենա Վաշինգտոնում տեղական ժամանակով կեսօրին, Երևանի ժամանակով երեկոյան ժամը 9-ին: Ընտրյալ նախագահը երդումը կարտասանի Ներկայացուցիչների տան և Սենատի համալիրի՝ Կապիտոլիումի աստիճաններին, որտեղ արդեն պատրաստ է հանդիսավոր արարողության հարթակը: Հանրապետական Դոնալդ Թրամփը նախագահ է ընտրվել անցյալ տարվա նոյեմբերի 8-ին՝ հաղթելով դեմոկրատ Հիլարի Քլինթոնին... Читать дальше...

Հունվարի 19-ին և լույս 20-ի գիշերը Լեռնային Ղարաբաղի և Ադրբեջանի հակամարտ զորքերի շփման գծի բոլոր հատվածներում հակառակորդը հրաձգային զինատեսակներից, այդ թվում՝ խոշոր տրամաչափի գնդացիրներից, հրադադարի ռեժիմը խախտել է շուրջ 70 անգամ, հայ դիրքապահների ուղղությամբ արձակել է ավելի քան 1050 կրակոց: Լեռնային Ղարաբաղի պաշտպանության նախարարության մամուլի ծառայության փոխանցմամբ՝ գնդացիրներից առավել ինտենսիվ խախտումներ են արձանագրվել հարավարևելյան և արևելյան հատվածներում (ավելի քան 300 կրակոց): Պաշտպանության... Читать дальше...

ԱՄՆ 45-րդ նախագահը երդումը կարտասանի Կապիտոլիումի աստիճաններին, որտեղ արդեն պատրաստ է հանդիսավոր արարողության հարթակը: