Новости за 29.01.2017

Երեկ բազմաթիվ բողոքի ակցիաներ են տեղի ունեցել Միացյալ Նահանգներում՝ ընդդեմ նախագահ Դոնալդ Թրամփի՝ նեգաղթյալների և մահմեդականների մուտքը արգելելու որոշման: The Guardian-ի փոխանցմամբ, Բոսթոնի, Դալլասի, Սան Ֆրանցիսկոյի, Նյու Յորքի, Լոս Անջելեսի օդանավակայաններում բողոքող մարդիկ «Ոչ ատելությանը, ոչ վախին», «Արդարադատություն հիմա» կոչերով հորդորել են նախագահին վերանայել որոշումը: Դոնալդ Թրամփի որոշումից հետո տասնյակ մարդիկ, ովքեր ժամանել են Միացյալ Նահանգներ, պահվել են օդանավակայաններում: Նրանց թույլ չի տրվել դուրս գալ օդանավակայանից... Читать дальше...

Եվրոպական խորհրդարանի նախկին նախագահ Մարտին Շուլցը այսօր Գերմանիայի սոցիալ-դեմոկրատական կուսակցության կողմից պաշտոնապես առաջադրվել է երկրի դաշնային կանցլերի պաշտոնում: Սեպտեմբերի 24-ին կայանալիք խորհրդարանական ընտրություններին ընդառաջ գերմանացի սոցիալ-դեմոկրատները որոշել են, որ հենց Շուլցն է ղեկավարելու կուսակցության նախընտրական ցուցակը: «Մենք պայքարելու են հանուն արդարության, որպեսզի հնարավոր լինի հաղթահարելԳերմանիայում առկա լուրջ տարաձայնությունները», -այսօր հայտարարել է Մարտին Շուլցը սոցիալ-դեմոկրատական... Читать дальше...

Մի քանի ժամից Ֆրանսիայում կավարտվի իշխող Սոցիալիստական կուսակցության նախնականընտրությունների` «փրայմերիների» երկրորդ փուլը, որի արդյունքում պարզ կդառնա, թե ով է ներկայացնելու քաղաքական այս ուժը մայիսին կայանալիք նախագահական ընտրությունների ընթացքում: Ներկուսակցական ընտրությունների երկրորդ փուլում միմյանց դեմ են պայքարում Ֆրանսիայի նախկին վարչապետ Մանուել Վալսը և կրթության նախկին նախարար Բենուա Ամոնը: Վերջին հարցումների համաձայն, սակայն, երկու թեկնածուներն էլ գարնանը նախատեսված նախագահական ընտրությունների... Читать дальше...

Մեծ Բրիտանիան և Թուրքիան շուրջ 120 միլիոն դոլար կծախսեն TF-X ռազմականինքնաթիռի ստեղծմանն ուղղված համատեղ աշխատանքների վրա: Այս մասին պայմանավորվածությունը ձեռք է բերվել երեկ Մեծ Բրիտանիայի վարչապետ Թերեզա Մեյի` Անկարա կատարած այցի շրջանակներում: Բացի այդ, կողմերը պայմանավորվել են ջանքեր գործադրել երկկողմ ապրանքաշրջանառության ծավալները զգալիորեն մեծացնելու ուղղությամբ: «Մեր նպատակն է երկկողմ ապրանքաշրջանառության տարեկան ցուցանիշը 15 միլիարդ դոլարից հասցնել 20 միլիարդի», -Մեծ Բրիտանիայի վարչապետի... Читать дальше...

Մեկ ամերիկացի հատուկջոկատային զոհվել է, ևս երեքը՝ վիրավորվել այսօր առավոտյան Եմենի Բայդա գավառում իրականացված հատուկ գործողության ընթացքում: Գործողության թիրախը «Ալ Ղաիդա» ահաբեկչական ցանցի անդամներն էին: New York Times-ի տեղեկություններով գործողությունը տևել է մոտ մեկ ժամ, որի ընթացքում ամերիկացի զինվորականների կատաղի դիմադրության են հանդիպել: Գործողության ընթացքում վթարային վայրէջք է կատարելնաև հատուկջոկատայիններին օդային աջակցություն ցուցաբերող V-22 Osprey մակնիշի ռազմական ինքնաթիռը, ինչի հետևանքով ևս մեկամերիկացի զինվորական է վիրավորվել... Читать дальше...

Իրանի արտաքին գործերի նախարարությունը բողոքի նոտա է հղել Թեհրանում Շվեյցարիայի դեսպանին՝ ԱՄՆ-ի կողմից Իրանի և ևս 6 մահմեդական երկրների քաղաքացիների մուտքը Միացյալ Նահանգներ արգելելու որոշման կապակցությամբ: Այս մասին հայտնում է «Ռոյթերզ» գործակալությունը՝ հղում կատարելով իրանական պետական «Իրնա» գործակալությունը: Շվեյցարիայի դեսպանը Իրանում ներկայացնում է նաև Միացյալ Նահանգները, քան որ Վաշինգտոնն ու Թեհրանը դիվանագիտական կապեր չունեն: Երեկ էլ Իրանի արտաքին գործերի նախարար Մոհամադ Ջվադ Զարիֆը գրառում էր կատարել Թվիթերում... Читать дальше...

Մեծ Բրիտանիայի վարչապետ Թերեզա Մեյը հայտարարել է, որ Բրիտանիան համաձայն չէ Միացյալ Նահանգների նախագահ Դոնալդ Թրամփի որոշման հետ՝ ԱՄՆ ներգաղթը կասեցնելու վերաբերյալ: «Մենք համաձայն չենք այսպիսի մոտեցման հետ, և սա այն որոշումը չէ, որը մենք կընդունեինք: Մենք ուսումնասիրում ենք այս որոշումը՝ հասկանալու ինչ նշանակություն այն ունի, որոնք են դրա իրավական հետևանքները և հատկապես, թե ինչ ազդեցություն այն կարող է ունենալ Մեծ Բրիտանիայի քաղաքացիների վրա», - Թերեզա Մեյի խոսնակի հայտարարությունն է մեջբերում «Ռոյթերզը»... Читать дальше...

Գերմանիայի կանցլեր Անգելա Մերկելը Միացյալ Նահանգների նախագահ Դոնալդ Թրամփի հետ երեկ կայացած հեռախոսազրույցում ասել է, որ ահաբեկչության դեմ համաշխարհային պայքարը արդարացում չէ փախստականների կամ մահմեդական մեծամասնություն ունեցող երկրների քաղաքացիների մուտքն ԱՄՆ արգելելու համար: Այս մասին հայտարարել է Մերկելի խոսնակը: Շտեֆան Զայբերթի խոսքով, Գերմանիայի կառավարությունը ցավում է ԱՄՆ՝ փախստականների և ևս 6 երկրների մահմեդական քաղաքացիների մուտքի արգելքի կապակցությամբ, և կվերանայի դրա հետևանքները Գերմանիայի այլազգի քաղաքացիների համար... Читать дальше...

Նյու Յորքի դաշնային դատարանը որոշել է ժամանակավորապես դադարեցնել ԱՄՆ-ի մուտքի վիզա ունեցողների կամ փախստականների արտաքսումը, ովքեր անելանելի դրության մեջ են հայտնվել երկրի նախագահ Դոնալդ Թրամփի՝ մի շարք մահմեդական երկրների քաղաքացիների ներգաղթն արգելելու մասին որոշումից հետո: Դատավոր Էն Դոնելլին արգելել է սահմանապահներին հետ ուղարկել այն մարդկանց, ովքեր ԱՄՆ են ժամանել վավեր վիզաներով, փախստականների հաստատված դիմումներով և «այլ անհատների ․․․ ովքեր օրենքով իրավունք են ստացել մուտք գործել Միացյալ Նահանգներ»... Читать дальше...

Ժամը 14:30-ի դրությամբ, բքի և անբավարար տեսանելիության պատճառով փակ են Վայք-Ջերմուկ ճանապարհահատվածը և Վարդենյաց լեռնանցքը: Մասիս-Արտաշատ ճանապարհահատվածում մառախուղ է, տեսանելիությունը՝ 50 մ: Ապարանի տարածաշրջանի ավտոճանապարհներին ձյուն է տեղում: Բաղրամյանի տարածաշրջանի ճանապարհներին մերկասառույց է: Տրանսպորտի, կապի և տեղեկատվական տեխնոլոգիաների նախարարության փոխանցմամբ, միջպետական և հանրապետական նշանակության մյուս ավտոճանապարհները բաց են:

Երեկ Հայաստանի պաշտպանության նախարար Վիգեն Սարգսյանը հանդիպել է Ռուսաստանի պաշտպանության նախարարի առաջին տեղակալ Ռուսլան Ցալիկովի հետ, ով Հայաստանի Հանրապետություն էր ժամանել զինված ուժերի կազմավորման 25-րդ տարեդարձի առթիվ անցկացված հանդիսավոր միջոցառումներին մասնակցելու նպատակով: «Հանդիպման ընթացքում քննարկվել են հայ-ռուսական երկկողմ համագործակցության օրակարգի ընթացիկ հարցերի գրեթե ամբողջ ծավալը` ռազմական և ռազմատեխնիկական ուղղություններով, ինչպես նաև նախանշվել են հեռանկարային քայլերը: ՌԴ պաշտպանության... Читать дальше...

Ժամը 14:00-ի դրությամբ Ստեփանծմինդա – Լարս ավտոճանապարհը անվաշղթաների  կիրառման դեպքում բաց է տրանսպորտային բոլոր միջոցների համար, այդ թվում՝  ծանրաքարշ մեքենաների համար: Այս մասին հայտնում է Հայաստանի տրանսպորտի, կապի և տեղեկատվական տեխնոլոգիաների նախարարությունը՝ հղում կատարելով Վրաստանի ենթակառուցվածքների և տարածքային զարգացման նախարարության ճանապարհային դեպարտամենտին:

Լեռնային Ղարաբաղի պաշտպանության բանակի հաղորդմամբ, այսօր գիշերը ղարաբաղաադրբեջանական հակամարտ զորքերի շփման գծում հակառակորդը հրաձգային զինատեսակներից հրադադարի պահպանման ռեժիմը խախտել է շուրջ 25 անգամ: Հայ դիրքապահների ուղղությամբ արձակվել է ավելի քան 220 կրակոց: «ՊԲ առաջապահ զորամասերն, առանց պատասխան գործողությունների դիմելու,շարունակել են վստահորեն իրականացնել մարտական հերթապահություն», - ասված է պաշտպանության բանակի հաղորդագրությունում:

ԱՄՆ նախագահը հրահանգել է 90 օրով փակել Ամերիկայի մուտքը Սիրիայի, Իրանի, Իրաքի, Լիբիայի, Սոմալիի, Սուդանի և Եմենի քաղաքացիների համար, ինչպես նաև 120 օրով դադարեցնել փախստականների ընդունումը ցանկացած երկրից:

Միացյալ Նահանգների և Ռուսաստանի նախագահները այսօր առաջին պաշտոնական հեռախոսազրույցն են ունեցել։  Կրեմլի հաղորդագրության համաձայն՝ կես ժամ տևած զրույցի ընթացքում երկու կողմն էլ հայտնել են ԱՄՆ-ի և Ռուսաստանի հարաբերությունները վերականգնելու և բարելավելու տրամադրվածության մասին։ «Մանրամասն քննարկվել են միջազգային արդի խնդիրները, այդ թվում՝ ահաբեկչության դեմ պայքարը, իրավիճակը Մերձավոր Արևելքում, արաբա-իսրայելական հակամարտությունը, Իրանի միջուկային ծրագրի շուրջ ստեղծված վիճակը և Կորեական թերակղզին։... Читать дальше...