Новости за 06.03.2024

- Жаңаөзен қаласында тұрақты жұмыс сұрап ақпан айынан бері наразылық білдіріп тұрған адамдарды полиция ұстап әкетіп, соттап жатыр. - Зерттеуші журналистер экс-президент Нұрсұлтан Назарбаевты мақтап фильм түсірген режиссер мен оның командасына тиесілі құпия құжаттарды қолға түсірген.

Жаңаөзен қалалық соты әкімдік алдында наразылыққа шығып, кешеден бері аштық жариялаған азаматтарды соттап жатыр. Жауапқа тартылғандардың жалпы саны — 71. Оларға айыппұл салды деген ақпарат бар.

Алматы қаласында биыл екі рет қатты сезілген жерасты дүмпуі билік пен қоғамның төтенше жағдайға дайындығы қай деңгейде екенін көрсетті. Екі жолы да биліктің жұмысы қоғам сынына қалды. Елдегі ең ірі мегаполистің халқы да табиғат тосын мінез танытқанда өзін қалай ұстау керегін білмей, абдырап, абыржып қалатыны аңғарылды. Мамандар сейсмикалық қауіпті аймақта орналасқан қаланың халқының ондайға дайындығын пысықтау – билік органдарының міндеті дейді.

Шетелден келетін көліктерден алынатын утилизация ақысы арзандамайды. Бұл туралы өнеркәсіп министрлігі хабарлады. // Павлодар облысы Майқайың елдімекенінде көлікпен бірге жер астына түсіп кеткен екі адам әлі табылмады. Туыстары тағы да көмек сұрап, президентке үндеу жолдады.

Ұзақ уақыт оппозициялық газет шығарып, сол үшін талай қуғындалған Ермұрат Бапи қазір парламент мәжілісінің депутаты болып отыр. Азаттыққа берген сұхбатында Бапи парламенттегі жұмысы, азаматтық позициясы, елдегі тәуелсіз медиа және "жаңа" және "ескі" Қазақстан арасындағы текетірес туралы әңгімеледі.

Көп жыл оппозициялық газет шығарып, сол үшін қуғын да көрген Ермұрат Бапи қазір парламент мәжілісінің депутаты болып отыр. Азаттыққа сұхбатында ол парламенттегі жұмысы, азаматтық позициясы, елдегі тәуелсіз медиа және "жаңа" және "ескі" Қазақстан туралы ой бөлісті.