Новости за 03.06.2020

Эксперт Руслан Акматбек “Азаттыктын” “Ыңгайсыз суроолор” программасында президент Сооронбай Жээнбековдун коррупцияга каршы күрөшүү тууралуу сөзү декларативдүү мүнөзгө ээ болуп калды деген пикирин билдирди. “Же президент коррупцияга каршы күрөш тууралуу айтып, кагаз жүзүндө эле элге айтып коюп жатат, Бул - биринчи варианты. Же күч түзүмдөрү мамлекет башчынын саясатын саботаж кылып атышат. Үчүнчү варианты – президенттин тапшырмасын аткарууга күч түзүмдөрүнүн күчү жетпей жатат”, - деди Руслан Акматбек. Читать дальше...

Жогорку Кеңештеги “Өнүгүү – Прогресс” фракциясынын мүчөсү Тынчтыкбек Шайназаров “Азаттыктын” “Ыңгайсыз суроолор” программасына катышканда "бирөөнү айыптагандарга" кошулбай турганын билдирди. “Кайсы бир адамга күнөө коюп, айыптоонун артында түрдүү максат турушу мүмкүн, ошондуктан, Алиге да, Матраимовго да бирдей көз менен кароо керек. Аны деле 700 миллион доллар чыгарып кетти, тигиндей мындай деп айыптап атпайсыңарбы? Мына ошондойдон алыс болушубуз керек деп жатам”. Программанын дагы бир катышуучусу... Читать дальше...

Улуттук коопсуздук боюнча мамлекеттик комитет (УКМК) журналисттерге каршы көрсөтмө берген эки күбөнүн видеосун ачык жарыялаганы коомчулукта талкууга жем таштады.

"Ыңгайсыз суроолор" берүүсүнүн коноктору – Жогорку Кеңештин депутаты, Айеркен Саймаитиге байланыштуу маалыматтарды иликтөө үчүн түзүлгөн убактылуу депутаттык комиссиянын мүчөсү Тынчтык Шайназаров, медиа эксперт Руслан Акматбек жана Конституциялык палатанын мурдагы судьясы, юрист Клара Сооронкулова.

"Кандай гана комиссия болбосун, тергөө иштерине киришүүгө укугу жок болсо да, Саймаитинин иши боюнча түзүлгөн комиссия тергөө амалдарына кийлигишип, ачыкка чыгарып, элге жарыялаганы – мыйзам бузуу". Мындай пикирин Конституциялык соттун мурдагы судьясы Клара Сооронкулова “Азаттыктын” “Ыңгайсыз суроолор” программасында билдирди. “Депутаттык комиссия али тергелип бүтө элек иштеги күбөлөрдүн көрсөтмөсүн коомчулукка жарыялап салганы менен жалпы укук бузулду. Кылмыш процессуалдык кодекс бузулду. Жогорку Кеңештин регламенти бузулду. Читать дальше...

Улуттук коопсуздук боюнча мамлдекеттик кызмат (УКМК) «Азаттыктын» журналисти иликтеп чыккан мыйзамсыз коррупциялык иштерди иликтеп, ачыкка чыгаруунун ордуна, тескерисинче, ишти башка нукка буруп, анын өзүн күнөөлүү кылып көрсөткүсү келип жатат. Мындай пикирин Конституциялык соттун мурдагы судьясы Клара Сооронкулова «Азаттыктын» «Ыңгайсыз суроолор» программасында билдирди: «Эгер УКМК өздөрүнүн алдына коюлган ишти – иликтөөдө айтылган мыйзамсыз, коррупциялык иштердин жок экенин аныктап, ал тууралуу маалыматтарды жокко чыгарып... Читать дальше...

Ушул күндөрү Азиянын 20дан ашык өлкөсүн жана Африканы чегиртке каптады. Тажикстандын эң ири дыйканчылык аймагы болгон Хатлон облусундагы дыйкандар чегирткенин айынан ири зыянга учурап жатышат. Түркмөнстандын 35 миң гектар аянттагы эгини чегирткеге жем болду. Өзбекстан чегирткеге каршы күрөшкө ондогон техникалык каражаттарды жумшады.

Бир катар коомдук ишмерлер Кой-Таш окуясы боюнча айыпталып, алты айдан бери камакта отурган саясатчы Равшан Жээнбековду үй камагына чыгарууга көмөк көрсөтүүнү суранып, президент Сооронбай Жээнбековго кайрылышты.

Нарын шаарында нөшөрлөгөн жаандан кийин суу ташкыны пайда болду. «Азаттыктын» кабарчысы жеринен маалымдаганына караганда, тоонун түбүндөгү каналдан суу ташып, айрым көчөлөрдүн жолдорун, үйлөрдү каптады. Өзгөчө кырдаалдар министрлиги билдиргендей, саат 16:00 чамасында жаап өткөн жамгырдын кесепетинен жаан суусу үйлөрдүн короолорун жана көчөлөрдү каптап жаткандыгы тууралуу маалымат түшкөн. Жерине мекеменин Нарын облусу боюнча башкармалыгынан ыкчам топ, Нарын шаардык №16 аскерлештирилген өрт-куткаруу бөлүмүнөн куткаруучулар тартылган. Читать дальше...

Жогорку Кеңештин депутаты Жанарбек Акаев премьер-министр Мухаммедкалый Абылгазиевди жыштык чатагы боюнча тергөөгө көрсөтмө берүүгө чакырды.

Улуттук коопсуздук боюнча мамлекеттик комитеттин (УКМК) ««Азаттыктын» журналисти иликтөөсү үчүн акча алганын Саймаитиден укканбыз» деген күбөлөрдүн көрсөтмөсү кытайлык ишкер, маркум Айеркен Саймаитинин Кыргызстандын бажысындагы коррупция тууралуу айткан маалыматтарын иликтөөчү депутаттык комиссияда көрсөтүлүшү бардык тарабынан алганда мыйзамсыз. «Адилет» укуктук клиникасынын жетекчиси Чолпон Жакупова депутаттык комиссиянын отурумунда УКМКнын Тергөө башкармалыгынын башчысы көрсөткөн күбөлөрдүн видео көрсөтмөсүн ушундайча талдады. Читать дальше...

Улуттук коопсуздук боюнча мамлекеттик комитет (УКМК) пикирин ачык айтып чыккан жарандык активисттерди кармап жатканы кооптондурат. Мындай пикирин 3-июнда Жогорку Кеңештин Кылмыштуулукка жана коррупцияга каршы күрөш боюнча комитетинин төрайымы Наталья Никитенко билдирди. Комитеттин жыйынында ал УКМКнын төрагасынын орун басары Мирлан Тургунбековго кайрылып, «Шаардагы парктар» ишканасынын жетекчиси Калича Умуралиеванын жана караколдук укук коргоочу Камилжан Рузиевдин окуясына кайрылды: «Коопсуздукту... Читать дальше...

Бишкек шаардык соту 3-июнда мурдагы мэрлер Кубанычбек Кулматов менен Албек Ибраимовдун иши боюнча кылмыш ишин кароону улантты. Соттун басма сөз кызматы билдиргендей, жараянда Ибраимов менен Кулматов суралып бүттү. Иштин материалдарын иликтөө да аяктады. Кийинки жараян 10-июнга белгиленди. 2019-жылдын 23-декабрында Бишкектин Ленин райондук соту Ибраимовду 15 жылга кесип, Кулматовду беш миллион сом айып төлөөгө милдеттендирип, абактан үй камагына бошоткон. Бул иш боюнча экс-мэрлер менен кошо айыпталган 11 кишинин баары сот залынан бошотулган.

Кыргызстанда 25-июндан тартып балдардын ден соолугун чыңдоочу лагерлер иштей баштайт. Бул тууралуу коронавирус пандемиясына каршы күрөшүү боюнча республикалык штабдын 3-июндагы жыйынында айтылды. Жыйында өкмөттүн Ысык-Көл облусундагы ыйгарым укуктуу өкүлү Акылбек Осмоналиев жайкы туристтик сезон тууралуу маалымат берди. Анын айтымында, пансионаттардын жана эс алуу жайларынын жетекчилерине санитардык эрежелерди көзөмөлдөө боюнча катуу талаптар коюлду. Өлкө боюнча Профсоюздар федерациясына караган ондон ашык лагерь... Читать дальше...

Жаза аткаруу боюнча мамлекеттик кызмат (ЖАМК) «№1 тергөө абагында отурган Даниел Ажиев кыйноого кабылып жатат» деген маалыматтарды төгүндөдү. Мекеме 3-июндагы билдирүүсүндө Ажиевге карата эч кандай басым-кысым колдонулбаганын, ал өзүнүн суранычы менен бир камерада жалгыз отурганын кабарлады. ЖАМК Ажиевдин адвокаттарынан жалган маалыматтарды таратууну токтотушун талап кылган.   Буга чейин Интернетте Даниел Ажиевдин адвокаттары анын тергөө абагында кыйноого алынганын айтып чыгышкан. Ажиев быйыл... Читать дальше...

«Биз жана дин» түрмөгүндө Кыргызстанда тыюу салынган диний уюмдар менен кыймылдардын ишмердигин талдайбыз.

Бүгүнкү күндө Кыргызстандын Орусиядагы элчилигинде мекенине кайтууга жардам сурап кайрылган 4,5 миң кыргыз жаранынын арызы жатат. Бул тууралуу 3-июнда элчиликтин басма сөз кызматы кабарлады. Мекеме алардын баарынын маселесин бир заматта чечүү мүмкүн эмес экенин, ошого карабастан айрымдар нааразылыгын айтып, түрдүү билдирүүлөрдү жасап жатышканын белгилеп, аларды сабырдуулукка чакырды. Элчилик Орусиянын Тышкы иштер министрлиги, Росавиация, Роспотребнадзор ишканалары жана авиакомпаниялары менен сүйлөшүү жүрүп жатканын маалымдады. Читать дальше...

Өзүн «Чоң казат» деп атаган кыймылдын мүчөсү Максат Мамытканов бүгүн 3-июнда Ички иштер министрлигинде суракта болду. Ал тергөө сырынын купуялыгына байланыштуу сурак учурунда эмне тууралуу кеп болгонун айта албай турганын белгилеп, болгону «Чоң казаттын» эмне кызыкчылыгы бар? Саясатка аралашасыңарбы?» деген суроолор берилгенин «Азаттыкка» билдирди. Буга чейин Интернеттеги социалдык түйүндөрдө «Чоң казат» деген уюм айрым аткаминерлердин, саясатчылардын байлыгы жөнүндө айтып чыкканы кызуу талкууланган. Читать дальше...

Бишкектин Биринчи май райондук соту Кыргызстан социал-демократиялык партиясынын (КСДП) жетекчиси катары катталган Сагынбек Абдрахмановдун арызын кароого киришти. Бул тууралуу 3-июнда «Азаттык» радиосуна Абдрахманов өзү кабарлап, алгачкы отурум жакында болгонун, кийинкиси 10-июнга дайындалганын билдирди. Анын айтымында, арызды кароо Жогорку соттун райондук жана шаардык соттордун чечимдерин жокко чыгаруу тууралуу чечиминен кийин башталды. «Жогорку сот документтерди карап чыгып, Биринчи май райондук сотуна «кайра карагыла» деп тапшырма берген.

«Адилет» укуктук клиникасынын жетекчиси менен «Азаттыктын» тегерегиндеги кырдаал туурасында маек.

Башкыртстандын Жогорку соту иш учурунда кесиптешин зордуктады деп шек саналган мурдагы полиция кызматкерлери Салават Галиев менен Эдуард Матвеевди актады жана сот залынан бошотту. Райондук сот аларды күнөөлүү деп таап, ар бирин жети жылга эркинен ажыраткан эле. Мындан эки жыл мурун ички иштер башкармалыгынын Уфа райондук бөлүмүндө 23 жаштагы полиция кызматкери ошол учурда райондук полициянын жетекчилигинде иштеген Эдуард Матвеев, Салават Галиев жана Павел Яромчук зордуктаганын айтып арыз жазган. Читать дальше...

10-класстын окуучусу Акмөөр Арапова курбулары менен бирге айылына радио түйүн ачты. Алардын максаты - айылдаштарына коронавирус боюнча туура маалымат жеткирүү. Жалал-Абад облусундагы эң четки Кош-Болот айылында буга чейин радио болгон эмес.

Өзбекстандын премьер-министри Абдулла Ариповдун тапшырмасы менен биринчи вице-премьер-министр Ачилбай Раматов баштаган өкмөт өкүлдөрү Сох районуна келип кетти. Жергиликтүү маалымат каражаттары алар аймактагы маселелер менен жеринен таанышканын жазышты. Буга чейин соңку жаңжалга байланыштуу Сохко Абдулла Арипов өзү келип кеткен жана ал Кыргызстандын биринчи вице-премьер-министри Кубатбек Боронов менен жолуккан. Аймактагы абалды 1-июнда эки өлкөнүн президенттери телефондон талкуулаган. Ушул аптагын... Читать дальше...

"Смарт жаран" ассоциациясы, "Прецедент өнөктөштөр тобу" жана "Эркиндик үнү" коомдук фонду Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин иш-аракетин мыйзамсыз деп табууну өтүнүп сотко кайрылды. Доо арыз комитет "Өкмөттүк эмес уюмдар жөнүндө" мыйзам долбоору боюнча эреже бузууларга барды деген негизде жазылган. Бул тууралуу "Азаттыкка" "Прецедент өнөктөштөр тобу" коомдук уюмунун өкүлдөрү билдиришти. Маалыматка караганда, 2020-жылдын 26-февралында... Читать дальше...

«Сөз эркиндиги карикатуристтердин көзү менен» аттуу республикалык экинчи сынактын жыйынтыгы чыкты. Сынакты «Журналисттер» коомдук бирикмеси «Сорос-Кыргызстан» фондунун колдоосу менен  3-май - Басма сөз эркиндигинин эл аралык күнүнө арнап уюштурган. Сынактын жыйынтыгында 1-орун «Бийлик жана ЖМК» деген карикатура үчүн Болат Рыскулбековго ыйгарылды. 2-орун «Бийликти бөлүштүрүү» үчүн Эрлан Сатыбековго жана 3-орун «Блогер» деген карикатура үчүн Нурбек Насыранбековго тийди. Мындан тышкары беш адамга кызыктыруучу сыйлыктар тапшырылды. Читать дальше...