Илдәге иң сыйфатлы азык-төлекләрне атадылар
(Казан, 8 гыйнвар, Татар-информ»). «Россия сыйфат системасы» оешмасы җитәкчесе Максим Протасов «Российская газета»га биргән интервьюсында халыкара базарда көндәшлек итә ала торган иң сыйфатлы продуктларны санап үтте.
«Бездә бик сыйфатлы кондитер эшләнмәләре, печенье, туңдырма җитештерәләр», – диде Протасов.
«Россия сыйфат системасы» оешмасы башлыгы сүзләренчә, Россия премиаль ите Латин Америкасына китерелә, ә Россиядә үстерелгән кош ите сыйфаты буенча Европа һәм Американыкыннан югарырак.
Түгәрәк дөге базарында исә ил җитештерүчеләре Кушма Штатлар аграрийлары белән уңышлы ярыша, дип өстәде басма әңгәмәдәше.
Моннан тыш, Максим Протасов Россиядә сыйфатлы сыр һәм шәраб ясарга өйрәнелүенә игътибар итте һәм ил органик продукциянең конкурентлы җитештерүчесе булачагына ышаныч белдерде.