Новости за 11.03.2020

(Казан, 11 март, «Татар-информ»). Мамадыш районының Түбән Тәкәнеш авылында «Утлы сугыш елларында милләтебез язмышы» дип исемләнгән кичә узды. Авылның «Ак калфак» оешмасы җитәкчесе Фәсхиева Раузалия белән музей җитәкчесе Бикбова Гөлназ бергәләшеп оештырган чара ТАССР оешуның 100 еллыгына, Бөек Җиңүнең 75 еллыгына багышланды. Бу турыда Бөтендөнья татар конгрессы сайтында хәбәр ителә.

Русия Конституциясенә үзгәрешләр кертү нәтиҗәсендә Владимир Путинның соңгы ике президентлык мөддәтен исәптән сызып ташлау мөмкинлеге турында сәясәтчеләр һәм сәясәт белгечләре белән сөйләштек.

(Казан, 11 март, «Татар-информ»). Бөтендөнья татар яшьләре форумы Россия төбәкләре буенча яшь активистлар белән очрашуларны башлады. Беренче очрашу 7 мартта Саратов шәһәрендә узды. Анда Идел буе федераль округы яшьләр оешмалары вәкилләре катнашты. Бу турыда Бөтендөнья татар конгрессы сайтында хәбәр ителә.

(Казан, 11 март, «Татар-информ»). Омск өлкәсендә «Ак калфак» оешмасы шигъри кичә үткәрде. Ул Муса Җәлил һәм Заһид Хабибуллин 1939 елда иҗат иткән «Сагыну» җыры белән башланып китте. Кичә ике өлештән торды. Беренче өлеше Бөек Җиңүнең 75 еллыгы уңаеннан каһарман шагыйребез Муса Җәлил истәлегенә багышланды.Бу турыдаБөтендөнья татар конгрессы сайтында хәбәр ителә.