Новости за 08.02.2020

(Болгар, 8 февраль, «Татар-информ», Гөлнар Гарифуллина). Бүген Болгар ислам академиясендә Попечительләр советы утырышы узачак. Аның эшендә РФ Президенты Администрациясе җитәкчесенең беренче урынбасары, Попечительләр советы рәисе Сергей Кириенко катнашыр дип көтелә.

(Казан, 7 февраль, «Татар-информ», Рузилә Мөхәммәтова). Татарстанда гарәп графикасында язылган татар текстларын кириллицага күчерү программасы әзерләнде. Берничә айдан аны киң җәмәгатьчелек куллана ала башлаячак. Г.Ибраһимов исемендәге Тел, әдәбият һәм сәнгать институтының Язма һәм музыкаль мирас үзәгенең җитәкчесе Илһам Гомәров “Татар-информ” хәбәрчесен яңа программа белән таныштырды.

(Әлмәт, 8 февраль, «Татар-информ», «Әлмәт таңнары»). Әлмәтнең 13нче мәктәбе яңалык керткән. Биредә «Мәктәп — ачык кунакханә» проекты кысаларында мәктәптә ял зонасы булдырылган.

(Казан, 8 февраль, «Татар-информ»). Чаллы шәһәренең үзәк китапханәсендә урнашкан Әдәбият тарихы музеенда танылган шагыйрь, Татарстан Язучылар берлеге әгъзасы Мәхмүт Газизовны искә алу кичәсе үтте. Бу турыда Бөтендөнья татар конгрессы сайтында хәбәр ителә.

(Саба, 8 февраль, «Татар-информ», «Саба таңнары», Илмира Галимуллина). Саба районының яшьләр тормышына тагын бер кызыклы яңалык өстәлде. Районда «Хәят» исеме астында оешкан актив хатын-кызлар клубы «Уйла» интеллектуаль уенын оештырып, иң актив эшмәкәр гаиләләрен тапкырлыкта һәм гыйлемлектә сынады. Бу турыда район басмасы хәбәр итә.

(Саба, 8 октябрь, «Татар-информ», «Саба таңнары», Фәнил Мәүлетов). Саба районының Тимершык авылында Идүс Сафин истәлегенә зурлап көрәш турниры үткәрделәр. Ярышка Сабадан, Арча, Балтач, Әтнә, Теләче районнарыннан 51 көрәшче килгән иде. Бу турыда район басмасы хәбәр итә.

1552 елда Казанны басып алуда катнашкан урыс гаскәриләре хөрмәтенә салынган һәйкәл бар. Әлеге һәйкәл инде 200 еллап Казан казнасы һәм шул исәптән татарлар хисабына да тотыла. Бу хәлгә чик куюны таләп итүчеләр дә бар.