Новости за 10.01.2020

(Казан, 10 гыйнвар, «Татар-информ»). Екатеринбургта җиңел атлетика буенча «Раштуа стартлары» XXIX Бөтенроссия ярышлары узды.Түбән Кама спортчысы Россиянең иң җитез спортчысы өчлегенә керде. Бу турыда Түбән Кама муниципаль районы рәсми сайтында хәбәр ителә.

(Казан, 10 гыйнвар, «Татар-информ»). Туган тел сөюче укучылар белемнәрен сынап карарга Уфага җыелды. Быел олимпиадада 290 укучы катнашырга теләк белдергән. Бу турыда «Кызыл таң» газетасы хәбәр итә.

(Әгерҗе, 10 январь, «Татар-информ», «Әгерҗе хәбәрләре», Дания Абзалиева). ТАССРның 100 еллыгы дип игълан ителгән 2020 елда Әгерҗе районында беренче булып дөньяга малай туды. Сабыйны бала тудыру йортыннан өйгә озату уңаеннан тантаналы чара оештырылды. Аның әти-әнисен бүләкләделәр. Бу турыда район басмасы хәбәр итә.

(Казан, 10 гыйнвар, «Татар-информ»). Соңгы вакытта Ульяновск өлкәсе мәчетләрендә «Ачык ишекләр көне» уздыру матур гадәткә кереп бара. Яңа елның беренче көннәрендә чираттагы «Ачык ишекләр көне» Ульяновск шәһәренең 1915 елда төзелгән тарихи мәчетендә үтте. Бу турыда Бөтендөнья татар конгрессы хәбәр итә.

(Казан, 10 гыйнвар, «Татар-информ»). Түбән Каманың Җәмигъ мәчете каршындагы «Ихлас» үзәге каникул вакытында балалар өчен ял программасы оештырды. Каникул вакытында үзәктә барлыгы 65 бала ял итте. Бу турыда Түбән Кама муниципаль районы рәсми сайтында хәбәр ителә.

(Чирмешән, 10 гыйнвар, «Татар-информ», «Безнең Чирмешән», Гөлсирә Шәрифуллина). Яңа ел бәйрәмнәрендә Әгерҗенең Әккәрәй авылындагы Сөлчә елгасында кышкы коену сезонын тантаналы рәвештә ачу уңаеннан, зур бәйрәм оештырды. Бу турыда район басмасы хәбәр итә.

(Казан, 10 гыйнвар, «Татар-информ»). Күптән түгел Ульяновск өлкәсендә Чардаклы районы Әсән авылында туып үскән СССРның, РСФСРның, ТАССРның халык артисты hәм Башкортстанның атказанган артисты Габдулла Шамуковның тормыш hәм иҗат юлына багышланган «Yзе. Һәм үзе турында» дип аталган китап басылып чыкты. Бу турыда «Өмет» газетасы хәбәр итә.

Башкортстанның Әлшәй районы Раевка авылындагы яшәүче Михайловлар гаиләсенә 6 гыйнвар транспорт полициясе тикшерүчесе шалтыратып, Хабаровски краенда хезмәт итүче уллары Андрейның поезд астында калып һәлак булуы турында хәбәр итә. Ата-ана моңа ышанасы килми, үтергәннәрдер дип фаразлый.