Новости за 09.01.2020

(Казан, 9 гыйнвар, «Татар-информ»). Бүген, 9 гыйнвар көнне, район авыл хуҗалыгы һәм азык-төлек идарәсендә агрономнар өчен укулар башланды. Чарада агрономнар 2020 елга максат-бурычлар билгеләде. Бу турыда Актаныш муниципаль районы матбугат хезмәте хәбәр итә.

(Казан, 9 гыйнвар, «Татар-информ»). Узган ел нәтиҗәләре буенча «Татнефть» 29,7 млн тонна нефть чыгарган, бу алдагы ел белән чагыштырганда 264 мең тоннага күбрәк. «ТАНЕКО» комплексында углеводород чималын эшкәртү 10,7 млн тоннага кадәр җиткән. Бу хакта «Татнефть»нең матбугат хезмәте хәбәр итте.

(Казан, 9 гыйнвар, «Татар-информ», Рузилә Мөхәммәтова). Горький исемендәге әдәбият институты конкурсы уздыра торган «Слово и действие» конкурсы җиңүчеләре арасында татар драматургы Артур Шәйдуллин да бар. Җиңүчеләр исемлеге уку йортының рәсми сайтында урын алган.

(Казан, 9 гыйнвар, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Түбән Новгородның «Торпедо» командасын кабул итте. «Ак Барс» — «Торпедо» уены Түбән Новгород командасы файдасына 1:4 исәбе белән төгәлләнде.

(Казан, 9 гыйнвар, «Татар-информ», «Мәгариф»). ТР Мәгариф һәм фән министрлыгында 2020 елдан баланы мәктәпкә кертү тәртибенең үзгәрүе турында хәбәр иттеләр. Үзгәрешләр Россия Федерациясе Гаилә кодексына һәм «Мәгариф турында»гы федераль законга кертелгән төзәтмәләр нәтиҗәсендә гамәлгә керә.

(Казан, 9 гыйнвар, «Татар-информ»). Татарстаннан дүрт спортчы өченче кышкы яшүсмерләр Олимпия уеннарында катнашу өчен Россия җыелма командасы составына керде. Бу хакта Татарстан Спорт министрлыгының рәсми сайтында хәбәр ителә.

(Казан, 9 гыйнвар, «Татар-информ», Рузилә Мөхәммәтова). Быел Нәҗип Җиһанов исемендәге V «Мирас» Татар музыкасы фестивале концертларында премьера буларак Эльмира Галимова, Илдар Камалов, Эльмир Низамов, Илһам Байтирәк, Рушана Брандангер-Хәйбуллина (Норвегия) һәм Ильяс Камал әсәрләре яңгыраячак. Программа Татарстан Дәүләт симфоник оркестрның рәсми сайтында урнаштырылган.

(Казан, 9 гыйнвар, "Татар-информ"). 2019 елның декабреннән Илһам Шакиров исемендәге «Татар моңы» XI Халыкара телевизион конкурсына гаризалар кабул ителә башлады. Бу турыда Бөтендөнья татар конгрессы матбугат хезмәте хәбәр итте.

(Казан, 9 гыйнвар, «Татар-информ»). Казанның Җәүдәт Фәйзи урамында урнашкан «Гаилә» мәчете «Васыятьнамә — киләсе буыннарга әйтер сүз» бәйгесе игълан итте. Бу турыда мәчетнең имам-хатыйбы Рөстәм хәзрәт Хәйруллин инстаграмдагы сәхифәсендә язды.

(Казан, 9 гыйнвар, «Татар-информ», Марат Ишкилдин). 2020 елда Татарстанда социаль ипотека торагын төзүгә 16,8 млрд сум акча бүлеп биреләчәк. Татарстан Министрлар Кабинетының тиешле карары «Рәсми Татарстан» сайтында чыкты.

Пентагон Украина очкычын Иран АКШ ныгытмаларына һөҗүм иткәндә ялгыш бәреп төшергән дип саный. Ракет Русиядә җитештерелгән диелә.

(Казан, 9 гыйнвар, «Татар-информ»). Быел БДИ тапшыру өчен гаризаны 1 февральгә кадәр (бу көнне кертеп) тапшырырга кирәк. Бу хакта Мәгариф һәм фән өлкәсендә күзәтчелек буенча федераль хезмәт (Рособрнадзор) хәбәр итә.

(Казан, 9 гыйнвар, «Татар-информ», Рузилә Мөхәммәтова). Артур Исламов рок-концерт әзерли. Ул аны «Сәйдәш» мәдәният сараенда булыр дип күзаллый. Бу хакта ул социаль челтәрдәге язылучыларына хәбәр итә.

(Казан, 9 гыйнвар, Татар-информ»). Татарстанда ЮХИДИ идарәсе машина йөртүчеләргә бозлавык һәм буран булганда куркыныч маневрлар ясаудан сакланырга киңәш итә.

(Казан, 9 гыйнвар, «Татар-информ»). Татарстанда Күп функцияле үзәк һәм Пенсия фонды арасында Vipnet каналы буенча үзара электрон документ алмашы урнаштырылган, ул документлар алу процессын гадиләштерәчәк. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.

(Казан, 9 гыйнвар, «Татар-информ», Алексей Угаров). Иранның «Әл-Кудс» махсус бүлекчәсе белән идарә иткән генерал Касыйм Сөләймани һәлак булу, шулай ук Тегеранда Boeing 737 авиалайнеры һәлакәте сәбәпле, Иран Республикасының Казандагы Генераль Консуллыгында Кайгы уртаклашу китабы барлыкка киләчәк. Генконсуллык тиешле нотаны Татарстан Президентының Тышкы элемтәләр департаментына җибәргән.

Русия хөкүмәте "әфьюн яки психотроп матдәләр турында интернетка тыелган мәгълүмат кую яки аны тарату" өчен зур күләмле штрафлар кертүче канун өлгесен Думага кертте.

(Казан, 9 гыйнвар, «Татар-информ»). Кышкы каникул көннәрендә Татарстан мөхтәсибәтләре тарафыннан мәктәп балалары өчен рухи-сәламәтләндерү чаралары үткәрелде. Аларда катнашу өчен республиканың һәр почмагында ике атна дәвамында мәчетләргә 2500гә якын бала йөрде. Бу турыда Татарстан Диния нәзарәте матбугат хезмәте хәбәр итте.

Ике ел элек Русия газ табу ширкәте бу төбәкләргә җибәргән газ өчен Украина миллиард доллардан артык түләргә тиеш дип белдергән иде.

(Казан, 9 гыйнвар, «Татар-информ»). Дмитрий Сотников җитәкчелегендәге «Камаз-мастер» Россия командасы экипажы «Дакар» ралли-марафонының бишенче этабында йөк машиналары зачетында җиңү яулады. Марафон Согуд Гарәбстанында уза. Бу хакта ТАСС хәбәр итә.

(Казан, 9 гыйнвар, «Татар-информ»). «Ак Барс» яшьләр командасы уенчысы Гадел Сафин хоккей буенча Россия җыелма командасы составына керде. Ул яшүсмерләр арасында Олимпия уеннарында катнашачак. Бу хакта Россия Хоккей федерациясенең рәсми сайтында хәбәр ителә.

(Казан, 9 гыйнвар, «Татар-информ»). Татарстан халкын җирле үзидарә органы җитәкчеләре эшчәнлегенең нәтиҗәлелеге турында сораштыруда катнашырга чакыралар. Бу хакта Татарстан Икътисад министрлыгы матбугат хезмәте хәбәр итә.

Ученицы Нурлатской гимназии имени М.Е.Сергеева Сафия и Камилла Мухаметзяновы (руководитель – преподаватель Детской школы искусств Альфия Крепышева) стали лауреатами II степени Международного конкурса музыкально- художественного творчества «Рождественская Москва».

Заседание прошло под началом заместителя руководителя исполнительного комитета Нурлатского муниципального района по социальным вопросам Ляйсан Нафигиной.

(Истанбул, 9 гыйнвар, «Татар-информ», Рушания Алтай). Россия президенты Владимир Путин һәм Төркия президенты Рәҗәп Тайип Эрдоган «Төрек агымы» газүткәргечен ачып җибәрде. Моннан соң Себер газы Төркия аша Европага сатылачак.