Ýolagçy uçary harby dikuçar bilen çakyşyp, Waşingtonyň golaýyndaky derýa gaçdy
Deslapky maglumatlara görä, Kanzasyň Wiçita şäherinden Waşingtona uçýan uçarda 60 ýolagçy we dört ekipaž agzasy bardy.
CNN habar gullugynyň resmilere salgylanyp ýazmagyna görä, dikuçarda tälim uçuşyny amala aşyrýan üç esger hem bar eken.
CNN ölenleriň bardygyny ýazýar, ýöne hukuk goraýjy edaralardaky çeşmäniň habaryna görä, halas edijiler heniz suwdan diri galan ýekeje adamy hem çykarmady. Onuň sözlerine görä, uçar suwa ýykyldy we dikuçar golaýdaky derýa gaçdy.
NBC-niň habarçysy ejir çekenleriň azyndan dört sanysynyň Reýgan howa menziliniň ýangyn stansiýasyna äkidilendigini habar berdi. Olaryň ýagdaýy entek belli däl.
Teleýaýlym Potomak derýasyndaky suwuň temperaturasynyň iki dereje bolandygyny belleýär - gipotermiýa we huşuň ýitmegi başlanmazyndan öň adam şeýle suwda 30 minut saklanyp biler.
CBS News, CBS News heläkçiligiň bolan ýerinde işleýän polisiýa işgärine salgylanyp, 18 jesediň suwdan çykarylandygyny habar berdi.
Çeşmäniň habaryna görä, betbagtçylykdan diri galanlar entek tapylmady.
ABŞ-nyň Federal awiasiýa administrasiýasy (FAA) bu betbagtçylygyň ýerli wagt bilen agşam sagat 9 töwereginde bolandygyny habar berdi.
Wakanyň bolan ýerinde suwa çümüjileriň gatnaşmagynda giň gerimli gözleg we halas ediş işleri dowam edýär.