Niger harbylary prezidentiň wezipesinden çetleşdiler
Nigeriň prezident gwardiýasy biraz öň döwlet baştutany Muhammet Bazumy öz ýaşaýan jaýyna gabady. Prezident edarasy ilki pitneçileri ne goşunyň, ne-de Milli gwardiýanyň goldaýandygy aýtdy. Emma birnäçe sagatdan soň Bazumyň wezipesinden çetleşdirilendigi baradaky habarlar peýda boldy.
Soň Beniniň prezidenti Patris Talonyň emele gelen ýagdaýy kadalaşdyrmaga araçylyk etmek üçin Nigere ugrandygy belli boldy.
“Jeune Afrique” neşiriniň çeşmeleriniň maglumatyna görä, gozgalaňa Bazumyň prezident garawulynyň serkerdesi, general Omar Tçianini işden aýyrmak niýetiniň sebäp bolan bolmagy mümkin. Tçiani, Nigeriň öňki prezidenti Mahamadou Issoufudan bäri şu wezipesinde işleýär.
Pitne Sankt-Peterburgda geçirilýän Russiýa-Afrika sammitiniň fonunda boldy. Niger bu sammite gatnaşmaýar diýip, Russiýanyň “Nowosti” neşiri bir çeşmä salgylanyp habar berdi.