Irki prezident saýlawlaryny geçirýän Aşgabat Moskwa bilen howpsuzlygy maslahatlaşdy

Wise-premýer, daşary işler ministri Raşid Meredowyň ýolbaşçylygyndaky türkmen wekiliýeti Russiýa Federasiýasynda, Moskwada resmi saparda bolup, ikitaraplaýyn gatnaşyklaryň derwaýys meselelerini ara alyp maslahatlaşdy diýip, Türkmen DIM-niň web sahypasy habar berýär. Merkezi Aziýa ýurtlary boýunça ekspert bu sapary türkmen hökümetiniň we prezident Berdimuhamedowyň häkimiýetiň atadan ogla geçýän wagtynda ýurtdaky howpsuzlyk ýagdaýyndan juda alada galmagy we howpsuzlyk kepilligi üçin ýüz tutup biljek ýeke-täk ýurdunyň Orsýet bolmagy bilen düşündirýär.