Новости за 16.02.2022

Türkmenistanda azyk önümleriniň bahasy birden ýokarlandy. Şeýle-de, ilata azyk elýeterliligi iýmit önümleriniň ýetmezçiligi we nobatlar bilen hem çäklendirilýär. Azatlygyň habarçylarynyň we garaşsyz metbugat neşirleriniň maglumatlaryna görä, bahalaryň şu günki ýokarlanmagy 10% -dan 400% -e çenli baryp ýetýär.

Günbatar ýurtlary Russiýany Ukraina bilen serhet ýakasynda jemlän harby güýçleri bilen bagly dartgynlygy gowşatmak üçin "anyk" çäreleri görmäge çagyrmagy dowam etdirýär. Bu waka Moskwanyň sebitdäki goşunlaryny yzyna çykaryp başlandygy baradaky öňe sürmeleri müňkürlik bilen garşy alnan mahalyna gabat gelýär. Russiýanyň Goranmak ministrligi 16-njy fewralda wideo ýaýradyp, onda tanklaryň, pyýada goşun ulaglarynyň we öz-özi hereket edýän artilleriýa bölümleriniň Krym adasyndan çykýandygyny aýtdy. Bu... Читать дальше...

Türkmenistanyň Agrar partiýasy Mary welaýatynyň häkiminiň orunbasary Agajan Bekmyradowy prezidentlige dalaşgär hökmünde hödürledi. Bu baradaky karar partiýanyň 15-nji fewralda Aşgabatda geçirilen nobatdan daşary IV gurultaýynda kabul edildi.

Belarusda bir gurluşyk meýdançasynda işleýän türkmenistanly student wepat boldy, ol beýik ýerden ýykylypdyr diýip, “Turkmen.news” öz çeşmelerine salgylanyp habar berýär. Mekan Saparow üç ýyl bäri Maksim Tank adyndaky Belarus döwlet pedagogika uniwersitetinde okaýan eken. Ol 11-13-nji fewral aralygynda bolup geçen hadysa netijesinde ol agyr ýaralanýar. Ýaş ýigidi hassahana ýerleşdiripdirler, emma lukmanlar onuň janyny halas edip bilmändir. Daşary ýurtlarda okaýan türkmen studentleri yzlaryndan... Читать дальше...

Dünýä ýurtlarynyň arasyndaky ykdysady azatlyk görkezijisiniň täze hasabatynda Türkmenistan ykdysady azatlygy boýunça 46,2 dereje aldy. Bu Türkmenistanyň ykdysadyýetiniň 2022-nji ýyldaky görkezijide 165-nji orunda durýandygyny aňladýar. Türkmenistan Aziýa-Ýuwaş umman sebitindäki 39 ýurduň arasynda 38-nji ýerde durýar we bu ýurduň umumy görkezijisi sebitdäki we dünýädäki ortaça görkezijilerden has has pes bolup durýar. Soňky bäş ýylyň dowamynda, 2017-nji ýyldan 2019-njy ýyla çenli aralykda Türkmenistanyň ykdysady ösüşi güýçlendi... Читать дальше...

Türkmenistanda gurakçylygyň we oba hojalyk pudagyndaky dowam edýän meseleleriň arasynda Mary welaýatynyň kärendeçileri barha ýitileşýän suw ýetmezçiligi bilen ýüzbe-ýüz bolýarlar. Azatlyk Radiosynyň habarçylary bilen söhbetdeş bolan kärendeçiler suw ýetmezliginiň diňe ýaplardaky suwuň azlygy bilen bagly däldigini aýdyp, hatardan çykan tehnikalaryň abatlanmagy üçin döwlet tarapyndan ýeterlik serişde goýberilmeýändigini belleýärler.

Özbek häkimiýetleri Gazagystanda we Russiýada gazanç etmäge gidýän raýatlar üçin täze gatnawlary açmak tagallalaryny edýär diýip, Iş we zähmet gatnaşyklary ministriniň orunbasary Zakir Umarow Podrobno.uz neşirine aýtdy. Onuň sözlerine görä, munyň üçin Özbegistanyň prezidentiniň gol çekjek kararynyň taslamasy eýýäm taýýarlandy. Resminama ýakyn wagtda kabul edilmeli. Prezident Şawkat Mirziýoýewiň görkezmesi boýunça, hökümet degişli ministrliklere we pudaklara, raýatlaryň syýahat isleglerini nazarda tutup... Читать дальше...

Britaniýanyň şa zenany Ýelizaweta II ortanjy ogly şazada Endrýu Wirjiniýa Jüfreýiň (Virginia Giuffre) eden beýanatyndan soň, ABŞ-da özüne garşy bildirilýän jynsy zorluk aýyplamasyny kazyýetden daşary ýagdaýda ýatyrdy. Kazyýetiň resminamalaryna görä, şazada Jüfreýiň peýdasyna “düýpli möçberde serişde” harçlady diýip, BBC habar berýär. Amerikan zenany iňlis şazadasyny jynsy zorlukda aýyplady. Jüfreýiň sözlerine görä, amerikan telekeçisi Jeffri Epşteýniň kömegi bilen, heniz kämillik ýaşyna ýetmänkä, ol onuň bilen jynsy gatnaşykda bolupdyr. Читать дальше...

Döwlet dumasy, rus parlamentiniň aşaky palatasy prezident Wladimir Putiniň gündogar Ukrainadaky iki sebiti garaşsyz döwlet hökmünde ykrar etmegi baradaky towakganyň tassyklanmagy üçin ses berdi. Döwlet dumasynyň spikeri, Kremle tarapdar we dolandyryjy “Bitewi Russiýa” partiýasynyň agzasy Wýaçeslaw Wolodin 15-nji fewralda, kanun çykaryjylar tarapyndan tassyklanan karara derrew gol çekjekdigini we ony Putiniň garamagyna iberjekdigini aýtdy. Bu çäre, Putin tarapyndan tassyklanan halatynda, Russiýa... Читать дальше...

Ukraina 16-njy fewralda, dartgynlylygyň ýokary bolup galýan wagtynda "agzybirlik gününi" belleýär, ABŞ-nyň prezidenti Jo Baýden Russiýanyň goňşy ýurda goşun sürmek ähtimallygynyň şindi hem saklanyp galýandygyny duýdurýar. Moskwanyň biraz öň sebitdäki goşunlaryny yzyna çekip başlandygyny aýtmagyna garamazdan, Baýden 15-nji fewralda Birleşen Ştatlaryň Russiýanyň Ukraina bilen serhet ýakasynda jemlän harby güýçlerini yzyna çykaryşyny görkezýän subutnamalary entek görmändigini aýtdy. "Bu gowy bolardy... Читать дальше...