CIT: Rus goşunlarynyň mümkin bolan çozuşyna taýýarlyk "iş ýüzünde tamamlandy"
Konflikt aňtaw toparynyň (Conflict Intelligence Team) barlagçylary bu habary rus goşunlarynyň Ukrainanyň serhedinde jemlenmegine edilen gözegçilige esaslanyp tassyklaýar.
Birinji gün bu topar açyk çeşmelere, ilkinji nobatda hem harby tehnikanyň bir ýerden başga ýere geçirilmeginiň wideolaryndan çykarylan netijelere esaslanýan jikme-jik hasabat çap etdi.
Hasabatda tassyklanylmagyna görä, bu ýerde diňe Russiýanyň gury ýer goşunlary barada däl, eýsem awiasiýa, harby-howa güýçleri, deňiz güýçleri we milli gwardiýanyň goşunlary barada-da gürüň edilýär.
Hasabatda rus goşunlarynyň uly böleginiň, şol sanda desantçylaryň, Belarusdaky giň gerimli türgenleşige gatnaşmak üçin, ondan-oňa geçirilişi barada gürrüň berilýär.