BSG ýurtlary koronawirusyň “ýerli möwjemeleirne” taýýar bolmaga çagyrýar
1-nji fewralda edilen çagyryş Hytaýyň ýurtda bu wirusdan ölen adamlaryň sanyny 259 adama galdyran wagtyna gabat geldi.
Hytaý ýurtda bu wirusyň 11,791 adama ýokuşandygyny aýtdy, ýagny 2002-03-nji ýyllarda ýaýran SARS wirusyndan, ýagny ýiti dem alyş ýollary hassalygyndan hem çalasyn ýaýraýandygyny tassyk etdi.
BSG biraz öň dümewe çalymdaş koronawirus bilen baglylykda dünýä boýunça adatdan daşary ýagdaýy yglan etdi. Gurama bu wirusyň Hytaýdan daşarda adamdan adama geçmek ähtimallygyndan alada galýar.
Birleşen Ştatlar 31-nji ýanwarda soňky iki hepdede Hytaý sapar eden daşary ýurtlularyň köpüsiniň ýurda goýberilmegine gadaganlyk girizdi we başga-da berk barlag çärelerini gördi.
Hytaýyň daşary işler ministrligini ABŞ-nyň syýahat gadaganlygyny “rehimsizlik” hökmünde tankyt etdi.