Новости за 26.02.2020

Türkmenistanyň ýol gözegçilik polisiýasy ýene-de zenan sürüjileri köpçülikleýin saklap başlady. Azatlyk Radiosynyň Aşgabatdaky habarçylary köçelerdäki reýdleriň soňky birnäçe günde aktiwleşendigini, zenanlara dürli bahanalar bilen sürüjilik şahadatnamalaryny ellerinden almak haýbatynyň atylýandygyny habar berýärler. "Indi birnäçe gün bäri polisiýa zenan sürüjileri terror edýär. Her bir ädimde saklaýar, ähli zatdan bahana gözleýär" diýip, Azatlygyň Aşgabatdaky habarçysy 26-njy fewralda aýtdy.      Onuň sözlerine görä... Читать дальше...

Türkmenistanyň howa gatnawlarynyň baş gullugy 26-njy fewraldan başlap 30-njy marta çenli özüniň Stambul gatnawlaryny togtadýar diýip, çarşenbe güni gullugyň wekili Azatlyk Radiosyna habar berdi.

Türkmenistanyň ýolbaşçysy dünýä ýaýran howply koronawirus keselini ilkinji gezek resmi derejede agzady we ýurtda koronawirus bilen bagly kesellänleriň hasaba alynmandygyny mälim etdi. Munuň bilen bir wagtda-da, Türkmenistan goňşy ýurtlary bilen serhetlerini ýapdy. Şu günki gün türkmen-owgan serhedi ýapyldy.

Goňşy Eýranda koronawirus ýokaşan adamlaryň sany artýan wagty, Türkmenistan özüniň Eýran bilen aradaky serhedini ýapandan soň, Aşgabatda kartoşkanyň bahasy gymmatlady.

Dünýäniň 30-dan gowrak döwletinde koronawirusa täze ýoluganlaryň üstüniň açylandygy habar berilýär. Bu sebäpli, wirusyň ýaýramagynyň öňüni almak tagallalarynyň netije bermändigi baradaky howatyrlanmalar artýar. Wirusa kesellänler esasan, onuň ýaýrap başlan sebiti bolan Hytaýda, şeýle-de Ýaponiýada, Günorta Koreýada, Italiýada we Eýranda ýerleşýär. Braziliýanyň saglyk ministrliginiň 26-njy fewralda beren maglumatyna görä, ýakynda Italiýa sapar eden Sao Paolonyň raýaty wirus bilen keselläp-kesellemändigi boýunça barlagdan geçirilýär. Читать дальше...

Özbegistanda iki sany ýokary derejeli ozalky resmä korrupsiýa aýyplamalary bilen baglylykda höküm çykaryldy. Özbegistanyň Ýokary sudunyň 25-nji fewralda beren maglumatyna görä, ýurduň Döwlet howpsuzlyk gullugynyň ozalky başlygy Ihtiýor Abdullaýew 18 ýyl möhlet bilen türme tussaglygyna höküm edilipdir. Ol jenaýat toparyny esaslandyrmakda, para almakda, wezipe ygtyýarlyklaryndan hyýanatçylykly peýdalanmakda, şahsy emlägi öz haýryna geçirmekde we beýleki jenaýatlarda günäli tapyldy. Mundan başga-da... Читать дальше...

Türkmenistanyň prezidenti Gurbanguly Berdimuhamedow Türkmenistanda koronawirusyň ýaýramagyna garşy görülýän çäreler barada degişli resmiler bilen iş maslahatyny geçirdi. 25-nji fewraldaky maslahata Keselleriň ýaýramagyna garşy göreşýän adatdan daşary toparyň başlygy Pürli Agamyradow, şeýle-de saglygy goraýyş we derman senagaty ministri Nurmuhammet Amannepesow gatnaşdy. Resmi maglumata görä, ýurtda howpsuzlygy üpjün etmek üçin degişli gözegçilik hem-de daşary ýurtlardan gelýän raýatlary lukmançylyk gözegçiligine almak çäresi ýola goýulypdyr.

ABŞ-nyň döwlet departamenti Owganystandaky ýakynda yglan edilen prezidentlik saýlawlary bilen bagly dawalaryň “gazaplylyk haýbatlary” bilen däl-de, konstitusion we kanuny esaslarda çözülmelidigini aýtdy. Geçen hepde Owganystanyň Garaşsyz Saýlaw Komissiýasy 28-nji sentýabrda geçirilen saýlawlarda prezident Aşraf Ganiniň ikinji möhlete saýlanandygyny yglan edipdi. ABŞ Owganystanda hökümetiň “Talyban” jeňçi topary bilen mümkin parahatçylyk gepleşikleri bilen baglylykdaky “milli çarçuwany” ylalaşmak üçin... Читать дальше...