Orsýetde Täjigistanyň meşhur habar saýty petiklendi
Websaýtyň redaktory Zebo Tojiboýewa 2-nji awgustda AÝ/AR bilen söhbetdeşlikde Orsýetiň wdia gözegçiligi guramasyRoskomnadzoryň bu saýty 26-njy iýulda petikländigini aýtdy.
Tojiboýewa Roskomnadzoryň “Asia-Plus” neşirine geçen ýyl Täjigistanyň demirgazygyndaky Sughd regionynda öz janyna kast eden ýaş zenan barada berlenhabar hakyndaky soraglar bilen elektron poçta arkaly hat iberendigini aýtdy. Ol hatda çap edilen habarda “adamyň janyna kast etmegi babatda wagyz alamatlarynyň” bolandygy aýdylýar.
"Roskomnadzoryň bu hatyndan soň biz öz saýtymyzdaky makalany aýyrdyk, emma saýt eýýäm petiklenipdi.... Biz petiklenme şu hat bilen bagly diýip pikir edýäris. Ýöne munuň başga sebäpleriniň hem bolmagy mümkin” diýip,Tojiboýewa aýtdy.
AÝ/AR-nyň merkezi aziýa ýurdunyň içindäki habarçylarynyň maglumatyna görä, bu saýta Täjigistanyň içindäki elýeterlilik hem çäklendirildi.
1996-njy ýylyň aprelinden bäri işleýän “Asia-Plus” Täjigistanyň öňdebaryjy internet websaýty bolup, täjik, rus we iňlis dillerinde habar çap edýär.