Новости за 13.08.2021

Lebapda COVID-a garşy waksinanyň döwlet býujetine agram salýandygy aýdylyp, ilata edilýän sanjymy tölegli etmek plany barada welaýatyň saglyk müdirligi derejesinde maslahat edilýär. Bu barada müdirligiň birnäçe saglyk işgäri anonimlik şertinde Azatlyk Radiosynyň habarçysyna gürrüň berdi.

Birleşen Milletler Guramasynyň bosgunlar gullugy Owganystanyň goňşularyny "Talyban" ýurtda edýän çalt hüjümlerini dowam etdirýärkä serhetleri açyk saklamaga çagyrýar.

Şu günler maryly ýaşaýjylar kadasyz elektrik üpjünçiliginden şikaýat edýär. Obalarda we şäherlerde gezekli-gezegine tok kesilýär. Bu aralyda, Türkmenistan Gyrgyzystana elektrik energiýasyny eksport edip başlady.

Mary şäherinde prezident Gurbanguly Berdimuhamedowyň welaýata etmegine garaşylýan sapary bilen baglanyşykly taýýarlyk çäreleri güýçli depginde dowam edýär. Bu taýýarlyklaryň çäginde döwlet baştutanynyň geçmegine garaşylýan köçeler arassalanýar we abatlanýar. Şeýle-de, häkimiýetler ot gögermedik meýdançalara ýaşyl reňkde boýag sepip, bulara prezident welaýata gelip gidýänçä suw degirmezligi tabşyrýarlar.

Türkmenistanda pandemiýa gadagançylyklarynyň, şol sanda hereket çäklendirmeleriniň arasynda welaýatlarda Aşgabadyň ýokary okuw jaýlary üçin giriş synaglary dowam edýär. Azatlygyň sebitlerdäki habarçylary ýurduň daşyna çykmak mümkinçilikleriň hem çäklendirilmegi bilen, bu ýyl ýurduň öz ÝOJ-laryna girmek isleýän ýaşlaryň, geçen ýylkylar bilen deňeşdirilende, telim esse köpdügini belleýärler. Galyberse-de, ýurtda dowam edýän ýiti ykdysady krizisiň we giň ýaýran işsizligiň fonunda, okuwa girmek isleýän... Читать дальше...

Gyrgyzystanyň häkimiýetleri Kumtor altyn käniniň taslamasy işlenip düzülende ýol berlendigi aýdylýan korrupsiýa derňewini giňeldildip, Gyrgyzystanyň öňki prezidenti Sooronbaý Jeenbekowy hem soraga çekdiler. Milli howpsuzlyk boýunça döwlet komiteti 13-nji awgustda Jeenbekowyň soraga şaýat hökmünde çagyrylandygyny, 2016-2017-nji ýyllarda premýer-ministr bolup işlän döwrüne degişli soraglara jogap bermelidigini aýtdy. Jeenbekow 2017-nji ýyldan başlap, geçen ýyl işinden aýrylýança prezident bolup işledi... Читать дальше...

Birleşen Ştatlaryň döwlet we goranmak sekretarlary Owganystanyň prezidenti Aşraf Gani bilen telefonda gürleşip, ABŞ-nyň 12-nji awgustda Kabuldaky ilçihanasynyň işgärlerini azaltmak barada gelen kararyna garamazdan, Owganystanyň "Talyban” tarapyndan abanýan howp-hatar bilen ýüzbe-ýüz bolan durnuklylygyna maýa ýatyrmagy dowam etdirýändigini" aýtdylar. Döwlet sekretary Antoni Blinken we goranmak sekretary Lloýd Ostin Gani bilen 12-nji awgust güni giçlik, Kabuldaky amerikan ilçihanasynyň medeni işgärleriniň... Читать дальше...

Žurnalistleri goramak baradaky komitet (CPJ) Belarusy awtoritar lider Aleksandr Lukaşenkany we iki polisiýa ofiserini kemsitmekde aýyplanan hem-de 18 aý azatlykdan mahrum edilen žurnalist Sergeý Hardziýewiçi derrew boşatmaga çagyrdy. "Žurnalist Sergeý Hardziýewiçiň tussag edilmegi belarus häkimiýetleriniň kanunçylykdan hukuk goraýjylaryň eden-etdiligi barada ýazýan žurnalistleri susdurmak üçin hyýanatçylykly peýdalanýandygyny ýene bir gezek görkezdi” diýip, žurnalistleri goramak baradaky komitetiň... Читать дальше...

"Talyban" Owganystanyň ikinji uly şäheri bolan Kandagary basyp aldy diýip, ýerli çeşmeler Azatlyk radiosyna 13-nji awgustda aýtdy. Bu söweşijiler toparynyň ABŞ güýçleriniň ýurtdan çekilmegi bilen başlan täze hüjüminiň dowamyndaky iň möhüm ýeňşi bolýar. Şu aralykda “Talyban” günbatardaky Hyrat şäherini hem ele geçirdi we, ýerli geňeş agzasynyň maglumatyna görä, tanymal milisiýa lideri Ysmaýyl Hany ýesir aldy.   Umuman, “Talyban” soňky 24 sagatda bäş welaýat paýtagtyny ele geçirdi, olaryň birnäçesi söweşsiz syndy. Читать дальше...

Mary welaýatynyň birnäçe Saglyk öýünde raýatlara COVID-19-a garşy waksinanyň ikinji dozasy wagtyndan öň edilýär. Lukmanlar munuň sebäplerini welaýat ýolbaşçylarynyň sebitde raýatlara waksina etmek işleriniň güýçli depginde amal edilýändigi barada Aşgabada hasabat bermek tagallalarynyň bir bölegi diýip düşündirýärler. Bu barada Azatlyk Radiosynyň habarçysy Marydan maglumat berýär. Habarçymyzyň sözlerine görä, adatça ilata waksinanyň ikinji dozasy birinji dozadan 21 gün soň edilýär. Ýöne soňky günlerde... Читать дальше...