Новости за 26.03.2020

Aleksandra Krylenkowa uzak ýylyk tejribesi bolan adam hukuklary aktiwisti. Soňky aýlarda ol terrorçylyk aýyplamalary esasynda açylan "Torlar" diýilýän iş boýunça günäkärlenýänlere goldaw kampaniýasyny alyp barýar.

Türkmen hökümetiniň ýurtda azyk bolçulygynyň döredilendigini tekrarlamagynyň fonunda, azyk önümleriniň döwlet dükanlarynda gytalmagy we hususyýetçilerde​ gymmatlamagy dowam edýär.

Türkiýede ýasama arakdan zäherlenip ölen türkmenistanlylaryň sany 40-a ýetdi diýip, Azatlyk Radiosynyň Stambuldaky çeşmesi habar berýär. Bu aralykda, türk media serişdeleri bu iş bilen bagly bäş adamyň "bilkastlaýyn öldürmek ähtimallygy" aýyplamasy esasynda tussag edilendigini aýdýarlar.

Türkmenistanda ilata koronawirus barada geplemegi gadagan edýärler. Azatlygyň habarçylarynyň maglumatlaryna görä, adamlaryň köçede özara gürrüňdeşlikde koronawirusy agzamagy olaryň saklanmagy bilen tamamlanyp bilýär. "Koronawirus barada islendik gürrüňdeşlik üçin alyp gidýärler. Nobatlarda, awtobus duralgalarynda, awtobuslaryň içinde adamlaryň özara gürrüňlerini ýörite adamlar diňleýärler" - diýip habarçymyz 26-njy martda habar berdi.  Onuň sözlerine görä, köp halatlarda adamlary tutup äkidýänler raýat geýimli. Читать дальше...

Birleşen Ştatlary Eýran türmesinde ölendir öýdülýän pensiýadaky FBI agenti babatynda Tähranyň “doly hasap bermegini” talap edýär. Ak tamyň milli howpsuzlyk geňeşçisi Robert O’Braýn: “Häzirki wagtda derňew işleri dowam edýän mahaly, biz Bob Lewinson birnäçe wagt mundan ozal ölendir diýip pikir edýäris” diýip, 13 ýyl mundan ozal 58 ýaşynda ýitirim bolan amerikaly barada 25-nji martda ýaýradan beýanatynda aýtdy. “Bu ýagdaý bilen bagly Birleşen Ştatlaryň bolan zatlary doly kabul etmeginden ozal,... Читать дальше...

Bagdatda hökümet binalarynyň hem-de daşary ýurt wekilhanalarynyň ýerleşýän ýeri bolan berk goragly Ýaşyl zolagyň çägine 26-njy martda irden iki raketa atyldy, ýöne ýitgi çekilmedi diýip, Yrak goşuny habar berýär. “Bagdadyň operasiýa merkeziniň golaýyna iki katýuşa gaçdy. Jikme-jiklikler gelýär” diýip, harby beýanatda aýdyldy. Göz öňünde tutulan nyşana raketanyň düşen ýerinden birnäçe metr aradaşlykda ýerleşýän Birleşen Ştatlaryň ilçihanasy ýaly bolup görünýär diýip, yrakly howpsuzlyk çeşmesi aýtdy. Читать дальше...

Owgan hökümet resmileri söweşçi tussaglaryň boşadylmagyny maslahat etmek üçin ýakyn günlerde Talyban wekiliýeti bilen duşuşar diýip, Owganystanyň Milli howpsuzlyk geňeşi aýtdy. Taraplaryň 25-nji martda wideoaragatnaşyk arkaly geçirilen gepleşiginden soň, “31-nji marta çenli 100 tussagyň boşadylmagyny maslahat etmek üçin Talyban topary ýakyn günlerde hökümet bilen ýüzbe-ýüz duşuşar” diýip, geňeşiň metbugat wekili Jawid Faýsal twit ýazdy. “Tussaglar we Talyban özleriniň gaýtadan söweşe girmejekdiklerine kepil geçenden soň”... Читать дальше...

Türkmenistanyň prezidenti Gurbanguly Berdimuhamedowyň Daşogzuň merkezi şäherine sapar etmegine garaşylýar. Bu barada Azatlyk Radiosynyň türkmen hökümetine ýakyn çeşmesi, şeýle-de garyndaşlary Daşoguzda ýaşaýan daşary ýurtlardaky türkmen raýatlary habar berýärler.

Russiýanyň hökümeti koronawirus pandemiýasynyň öňüni almak üçin göreşýän mahaly, 27-nji martdan Russiýanyň içerki we halkara ähli adaty hem-de çarter uçar gatnawlaryny togtatdy. Hökümet 26-njy martda, eger howaýollary kompaniýalary hökümetiň ýörite rugsadyny alsalar, olara rus raýatlaryny ýurda getirmek maksady bilen daşary ýurtlara uçmaga rugsat beriljekdigini mälim etdi. Rus resmileri 26-njy martda ýurt boýunça 840 adamyň koronawirus bilen hasaba alnandygyny mälim etdi, olaryň täze 136 sanysy diňe Moskwanyň özündedir. Читать дальше...

Wirus näçe wagt ýaşap bilýär we ol nämeleriň üstünde saklanýar? Onuň ýaýramagyna howanyň täsiri bolýardy, ony ýaýratmazlygyň peýdaly usullary nämede?

ABŞ-yň Wirjini Uniwersitetiniň çagalaryň infeksiýa keselleri bölüminiň baş lukmany Stiwen Staýhner koronawirus infeksiýasynyň pandemiýa öwrülip, bütin dünýäni ysmaz eden wagtynda, onuň çagalara täsiri barada "Amerikanyň sesi" radiosyna interwýu berdi.

Russiýanyň Aşgabatdaky ilçihanasy Türkmenistanda wagtlaýyn ýerleşýän rus we beýleki döwletleriň raýatlarynyň Moskwa gitmegini guramalaşdyrmak üçin iş alyp barýar. Bu barada türkmen hökümetine ýakynlygy bilen tanalýan "Orient.tm" neşiri Russiýanyň diplomatik missiýasyna salgylanyp habar berdi.