Новости за 04.03.2020

Türkmenistanda importa durýan käbir azyk önümleriniň täzeden gytalmagynyň we gymmatlamagynyň fonunda, ýurtda käbir harytlaryň gümrük paçlarynyň möçberleri tassyklanyldy.

Aşgabatda koronawirus sebäpli toýlar ýatyrylýar, sport desgalary ýapylýar, ýurt raýatlary halkara uçarlaryndan düşürilýär, şol bir wagtda-da paýtagtyň ýaşaýjylary lukmanlara ýüz tutmakdan saklanýarlar. Azatlyk Radiosynyň habarçylarynyň sözlerine görä, şu günler paýtagtyň döwlet edaralarynda işgärleriň gyzgyny barlanýar, mekdep okuwçylarynyň arasynda wirusa garşy derman berilýär, hususan-da, olaryň burunlaryna "Oksalin" dermanyny çalýarlar. Şol bir wagtda-da, medisina maskalaryny dakmak gadagan edilýär. Читать дальше...

“Freedom House” – “Azatlyk öýi” guramasy Orsýet, Eýran ýaly “awtoritar döwletleri” protestleri güýç bilen basyp ýatyrmakda tankytlady, ýöne adatça demokratiýanyň goragçylary bolan ýurtlary, şol sanda Birleşen Ştatlary hem, “populizme kowalaşyp, ozalky demokratik däplerinden ýüz öwürmekde ýazgardy.

Ahal welaýatynda “Ene mähri” diýen hormatly at dakylan köp çagaly eneleriň 10-a golaýy özlerine wada berlen ýaşaýyş jaýlaryny alyp bilmän kösenýär. Bu barada ahally eneleriň ençemesi howpsuzlyk aladalary sebäpli gizlinlik şertinde Azatlyk Radiosynyň bu welaýatdaky habarçysyna gürrüň berdi.

Hytaýyň “gaýtadan terbiýleýiş” lagerinden gaçan we Gazagystana özüni atanyndan soň ol ýerde başdan geçiren dowzah azaplaryny açyp görkezen jürlewükçi ABŞ-nyň Döwlet departamentiniň 2020-nji ýylda sylaglan Halkara zenan batyrlygy sylagyna mynasyp bolan onlarça zenanyň biri boldy.  Asly Hytaýyň Sinjiaň sebitinden bolan etniki gazak Sairagul Sauytbay “Hytaýň musulmanlara garşy ulanýan repressiw çärelerini dünýä yglan eden ilkinji pidalaryň biri bolup, bu eden-etdiliklere garşy ýörite hereketiň döremegine goşant goşdy” diýip... Читать дальше...

Eýranda müňlerçe tussag, hökümetiň täze ýokanç kesele garşy görýän çäreleriniň çäginde, koronowirus sebäpli “wagtlaýyn azat edildi” diýip, Tährandaky resmi çeşmeler habar berdiler. Tussaghanalardan 54 müň adam azatlyga çykdy. Olar türmeden boşadylmazyndan öň saglyk barlagyndan geçirildi we diňe keseliň ýokuşmandygy anyklanandan soň azat edildi. Häzirki wagtda Eýranda bu wirusdan 77 adam öldi.  Eýran 3-nji martda bu wirusyň jemi 2,336 adama ýokuşandygyny tassyklady. Eýran parlamentiniň 23 agzasyna... Читать дальше...

Birleşen Ştatlar Owganystanyň günortasyndaky Helmand welaýatynda, owgan goşunlary tarapyndan işledilýän barlag nokadyna hüjüm edilenden soň, “Talyban” söweşijilerine garşy “goranyş” howa zarbasyny urdy. "ABŞ 4-nji martda, Helmandda, Nahre-Serajda,#ANDSF barlag nokadyna işjeň hüjüm edýän “Talyban” söweşijilerine garşy howa zarbasyny urdy. Bu hüjümi ýatyrmak üçin urlan goranyş zarbasy boldy” diýip, Owganystandaky ABŞ güýçleriniň sözçüsi Sonny Leggett twitterde çap eden beýanatynda aýtdy. Howa zarbasy... Читать дальше...

Wirus krizisi Hytaýda haýallasa-da, ol Ýakyn Gündogaryň günbatar sebitlerine, Ýewropa we Birleşen Ştatlara tarap süýşmegini güýçlendirýär. Günorta Koreýada, Eýranda, Italiýada we Ýaponiýada täze koronowirusyň düzümleri ýüze çykdy.  Eýran 3-nji martda bu wirusyň jemi 2,336 adam ýokuşandygyny, 77 adamyň bolsa bu keselden ölendigini tassyklady. Eýran parlamentiniň 23 agzasyna, ýurduň adatdan daşary ýagdaýlar gulluklarynyň başlygyna wirus ýokuşandygy habar berildi. Gazagystan, bu keseliň ýaýramagynyň öňüni almak üçin... Читать дальше...

Özbegistanyň prezidenti Şawkat Mirziýoýew Daşkentde ýaşaýandygy hakynda resmi ýazgysy, propiskasy bolmadyk adamlara 1-nji aprelden başlap Daşkentde gozganmaýan emläk satyn almaga ygtyýar berýän karara gol çekdi.  Döwlet eýeçiligindäki habar serişdeleri 2-nji martda prezident Şawkat Mirziýoýwiň soet döwründen gelýän propiska çäklendirmelerini, ýurduň regionlarynda ýaşaýan adamlaryň paýtagtda we onuň golaýyndaky etraplarda ýaşamagyna we işlemegine giriziken gadaganlyklary ýatyrandygyny habar berdiler. Читать дальше...