Новости за 10.01.2019

Täjigistanda bäş adamdan ybarat bir topar türkmenistanly studenti talady. Bu toparyň Täjigistanyň Içeri işler ministrligi tarapyndan tussag edilendigini, täjik telewideniýesi habar berýär.

Rus prezident Wladimir Putin we german kansleri Angela Merkel telefonda gürleşip, Siriýadaky parahatçylyk tagallalaryny utgaşdyrmak ylalaşygyna geldi diýip, Kreml habar berýär.

Döwlet baştutanynyň bu sapary ýurtda dowam edýän azyk ýetmezçiliginiň fonunda täze guruljak şäher desgalarynyň, şol sanda gül bazarynyň taslamalary bilen tanşan gününiň yz ýanyna gabat geldi.

Türkmenistanyň prezidenti Gurbanguly Berdimuhamedow milli telewideniýede diňe bir esasy nýusmeýker - habar ýasaýjy däl. Arkadagy diňe pozitiw mazmunly maglumatlarda we hatda onuň işine hem-de häkimiýet edaralaryna degişli bolmadyk sýužetlerde agzaýarlar.  AÝ/AR-nyň "Nastoýaşeýe Wremýa" telekanalynyň žurnalistleri türkmen telewideniýesiniň ýarym sagatlyk habar gepleşikleriniň birine tomaşa etdiler we şol 30 minudyň içinde onuň suratynyň 52 gezek görkezilendigini, onuň özüniň bolsa, ýagny adynyň... Читать дальше...

Türkmenistanyň prezidenti Gurbanguly Berdimuhamedow 9-njy ýanwarda esgerleriň öndüren azyk we beýleki önümleriniň sergisini synlap, 2019-njy ýylyň başynda doglan we özüne sowgat berlen taýçanaga “Rowaç” diýip at dakdy.

Daşogzuň banklarynda daşary ýurtlarda okaýan studentleriň bank hasaplaryna pul geçirmek isleýänlerden ýaşaýan ýerinden resminama talap edip başladylar. Bu barada habar berýän "Türkmenistanyň Hronikasy" neşriniň maglumatyna görä, banklarda talap edilýän sprawkany raýatlaryň ýaşaýan ýerindäki öý dolandyryş edaralary berýärler, emma bu sprawkany almagyň hem öz şertleri bar. Öý dolandyryş edaralaryň işgärleri özlerinden soralýan sprawkany bermek üçin gaz, suw we tok ölçeýjileriň oturdylandygy barada kommunal gulluklardan (şäheriň suw... Читать дальше...

Türkmenistanyň hakyky jemi içerki önüminiň 2019-njy ýyldaky ösüşi 5.6%-e deň bolar diýip, Trend habarlar gullugy Bütindünýä Banky tarapyndan taýýarlanan Global Ykdysady Perspektiwalar hasabatyna salgylanyp maglumat berýär. Bütindünýä Banky 2018-njy ýylda ýurduň jemi içerki önüminiň ösüşiniň 6.2%-e deň bolandygyny belleýär. Şol bir wagtda, bu görkezijiniň 2020-nji ýylda 5.1%-e, 2021-nji ýylda hem 4.9%-e deň boljakdygy çaklanylýar.   Türkmenistan häzir agyr ykdysady krizisi başdan geçirýär.

Russiýa Ýaponiýanyň ilçisini çagyryp, Tokiony premýer-ministr Şinzo Abeniň prezident Wladimir Putin bilen planlaşdyrylan gepleşikleriniň öňüsyrasy dartgynlylyklary möwjetmekde aýyplady. Russiýanyň Daşary işler ministrligi 9-njy ýanwarda Ýaponiýanyň ilçisi Toýohisa Kozukini Tokionyň Ýuwaş ummanyndaky dawaly adalaryň Ýaponiýa dolanyp biljekdigi baradaky eden bellikleri boýunça “çagyrandygyny” aýtdy. Russiýanyň Günorta Kurillar, Ýaponiýanyň hem Demirgazyk Territoriýalar diýip atlandyrýan adalarynyň... Читать дальше...

Demirgazyk Koreýanyň lideri Kim Jong Un Hytaýyň prezidenti Şi Jinpinge ABŞ-nyň prezidenti Donald Tramp bilen ikinji sammiti geçirmäge taýýardygyny, şeýle-de Koreýa ýarymadasynyň denuklearizasiýa gepleşiklerinde “netijeleri gazanmak” isleýändigini aýtdy. Kimiň bu baradaky bellikleri 10-njy ýanwarda hem Hytaý, hem-de Demirgazyk Koreýanyň habar serişdelerinde çap edildi. Munuň öňýany, Demirgazyk Koreýanyň lideri Pekine eden iki günlük saparyndan soň, özüniň ýörite ýaraglanan otlusy bilen Phenýana ugrapdy. Читать дальше...

Eýran ABŞ-nyň harby deňiz güýçleriniň weteranyny tussaglykda saklaýandygyny tassyklady. “The New York Times” neşiri 7-nji ýanwarda 46 ýaşly Maýkl Waýtyň (Michael White) Eýrana sapar eden mahaly tussag edilendigini we iýuldan bäri belli edilmedik sebäpler bilen gözenegiň aňyrsynda saklanýandygyny habar beripdi. 9-njy ýanwarda Eýranyň IRNA döwlet habarlar gullugy, Daşary işler ministrligiň beýanatyna salgylanyp, Waýtyň tussag edilendigini tassyklady. Emma, hadysanyň haçan ýüze çykandygy we Waýtyň... Читать дальше...

Makedoniýaly kanunçykaryjylar ýurduň adyny Demirgazyk Makedoniýa diýip üýtgetmek boýunça möhüm çekeleşiklere başladylar. Munuň netijesinde, ýurduň goňşy Gresiýa bilen onlarça ýyl bäri dowam edip gelýän konfliktine soň bermek, şeýle-de NATO we Ýewropa Bileleşiginiň agzalygyna ýol açmak maksat edinilýär. 9-njy ýanwarda başlanan debatlarda premýer-ministr Zoran Zaýew çykyş edip, kanunçykaryjylaryň ýurduň adyny üýtgetmek taslamasyny goldamaga çagyrdy. “Bu taryhy we watançylyk ruhundaky bir netije bolar. Читать дальше...

Owganystanda “Talyban” jeňçileriniň amala aşyran hüjümlerinde polisiýa ofiserleriniň azyndan 15-si öldürildi, başga-da 19-sy ýaralandy. Takhar welaýatynda “Talyban” barlag-gözegçilik nokadyna hüjüm edip, azyndan sekiz polisiýa ofiserini öldürdi. Ýerli geňeşiň agzasy Khawja Ghar etrabynda ýüze çykan hadysada başga-da 14 ofiseriň ýaralanandygyny aýtdy. Ýurduň demirgazygyndaky Baglan welaýatynda “Talyban” jeňçileriniň polisiýanyň barlag-gözegçilik nokadyna eden hüjüminde ýedi polisiýa ofiseri öldürildi. Читать дальше...