ABŞ, Orsýet we Hytaý Owganystanda hemme tarapy içine alýan parahatçylyk prosesine çagyrýar
"Üç tarap, hemmetaraplaýyn parahatçylyk prosesiniň çäginde, Owganystandaky daşary ýurt goşunlarynyň düzgünli we jogapkärçilikli çykarylmagyna çagyrýar” diýip, bilelikdäki beýanatda aýdylýar. Bu beýanat 26-njy aprelde ABŞ-nyň Döwlet departamentiniň websaýtynda çap edildi.
Şeýle-de beýanatda talyban gepleşikçileriniň “Yslam döwleti” ekstremist toparyna garşy söweşmek, “Al-Kaýda” terror guramasy bilen arasyny üzmek borçnamasyny öz üstüne alandygy aýdylýar.
“Talyban” “öz gözegçilik edýän ýerleriniň başga islendik bir ýurda wehim üçin ulanylmajagyny kepillendirýär” diýip beýanatda aýdylýar.